Jờng rơ nùs nhơm geh kơnòl, lơh ngan bơh mpồl kwang bàng, kông cứk, cau lơh broă, Củ tịc lơgar kung song dơ pă sơñio loh, tềng đăp jơnau sồr ngai sơlơ uă ngan bơh kơnòl broă tàm tơngai pa dê, Cơldŭ lơh broă Củ tịc lơgar kờñ pal pơn jat tai tam gơl pràn kơl dang rlau tai; sơlơ bơsram tai, kơlôi sơnơng, tơnguh uă cồng nha tă pơgồp jơnau đơs; jat nền gơnoar broă, kơnòl broă, gơnăp gơnoar bơh Củ tịc lơgar, Phó Củ tịc lơgar dê nàng đơs di tŭ, di ngan, geh cồng nha.

 Củ tịc lơgar sồr Cơldŭ lơh broă lơh jat niam bơhiàn ờs mờng rlau 80 nam bơt bơtàu mờ dờng pràn, gàr kơ̆ tam klăc bal, yờ tơnguh uă nùs nhơm geh kơnòl; “chờ hờp sơnam pa mơya ờ hŭi kơnòl broă”, jơh nùs lơh ngan lơh sir niam ngan tơl kơnòl broă geh jàu, pơgồp bơnah bal mờ jơh gùt Đảng, jơh gùt làng bol lam dà lơgar bơtàu tơnguh mhar mờ kơnhăp kơ̆.