Dar pơrjum geh pờ tơlik tơn tàm internet tus ală càr, ƀòn dờng kềng gah dà lềng. Jat jơnau yal bơh Ƀộ Broă lơh sa suơn sre mờ Tiah ơm kis dê, Ƀộ neh bơt bơtàu broă rơndap lơh lam lơh sền sơ wì tàm 15, càr, ƀòn dờng tờm ngan bơh tŭ do tus ngai 09/3 tus do, mờ tơngume bal mờ broă lơh ngan ngồn ndrờm bè EC rơp lam lơh sền sơ wì tàm ală càr, ƀòn dờng. Bal mờ hơ̆, ală càr, ƀòn dờng kềng gah dà lềng tơrgùm kờp sền, sền sơ wì broă lơh kơryan ờ ai tras, kup phan tàm dà lềng jat IUU tàm ƀòn lơgar, rơcang lơh broă mờ Mpồl lùp sền dơ̆ 5 bơh Anih duh broă câu Âu dê.

Ƀộ Broă lơh sa suơn sre mờ Tiah ơm kis kung pà git, ală măi mok phần mềm drơng ai broă lơh gròi sền broă lơh ơhò lơh ka dê neh geh lơh ndrờm bal, tàm tơrbŏ bal. Đơs pơn dut dar pơrjum, Phó Thủ tướng ồng Trần Hồng Hà sồr ală Ƀộ, gah broă lơh dà lơgar, càr, ƀòn dờng kờp sền, sền sơ wì wơl jơh ală Jơnau yal mblàng lơh loh ală tơngume Anih duh broă câu Âu sền gròi. Đơs sùm, gam 2 poh tai là Mpồl sền sơ wì bơh Anih duh broă câu Âu dê rơp tus sền sơ wì, Phó Thủ tướng sồr pơn jat tai lam lơh jat Broă rơndap lơh sền sơ wì dơ̆ lơh broă uă lam lơh kơnòl broă kơryan ờ ai tras, kup phan tàm dà lềng jat IUU, mờ kung jàu kơnòl broă mùl màl ai ală càr, ƀòn dờng tàm gùt lơgar in, pơgồp bal mờ kơnòl bơh ală Ƀộ, gah broă lơh dà lơgar dê.