VOV4.K'Ho- Mho òr (21/04), tàm ƀòn dờng Cần Thơ, Thủ tướng Cíñ phủ ồng Phạm Minh Chính đơng lam dơ̆ pơrjum bè broă lam lơh jăt ală rơndăp broă lơh gùng lòt tờm tàm tiah đah Jum.

VOV4.K'Ho- Ngai òr (21/04), Mpồl Sồr rơcang lài, tam dră mờ cau tìs, ờ niam mpồl bơtiàn mờ bơ̆t bơtàu broă gùt làng bol sền gàr lơngăp lơngai Dà lơgar (sơnđan là Mpồl Sồr lơh) ƀòn dờng Gia Nghĩa, càr Dăk Nông neh pơgồp bal mờ Hìu bơsram kấp pe Jơi bơtiàn ơm tơn N’ Trang Lơng bơyai lơh Ngai chờ tơrlòng kấp càr nam 2025.

VOV4.K'Ho- Thủ tướng ồng Phạm Minh Chính pa lòt sền ù tiah ngan ngồn lam lơh rơndap broă lơh gùng rơndeh lòt mhar Cần Thơ – Cà Mau, sồr ală mpồl sơrbac mhar, lơh ngan lơh gơs rơndap broă lơh sơrlèt rlau tŭ tơngai hơ pơrgon nàng sơn đờm ai ngui di tàm ngai 19/12/2025.

VOV4.K’Ho- Jat jơnau lơh nền tàm pơrjum Dà lơgar 11 khoă 13, bơh ngai 1/7/2025, jơh gùt lơgar rơ̆p rơndăp gơnoar atbồ ƀòn lơgar 2 kấp geh kấp càr (càr, ƀòn dờng gơwèt Dà lơgar), kấp sàh (sàh, sơnah ƀòn, tiah is ồn gơwèt càr, ƀòn dờng). Do geh sền là broă lơh tam gơl pràn tàm tam gơl niam rơndăp tăp sèng mpồl lơh broă, nàng kờñ tơrmù di pal, lơh broă gơtùi mờ geh cồng nha mờ di pal mờ jơnau kờñ bơtàu tơnguh tàm tơngai pa. Mờ broă rơndăp tăp sèng gơnoar atbồ 2 kấp, bơdìh lơh jat kơnòl broă, gơnăp gơnoar bè tŭ do, kấp sàh rơ̆p at tai gơnoar broă kơnòl broă gơnăp gơnoar bơh kấp kơnhoàl dê; geh tam pà kấp, tam pà gơnoar uă rlau. Geh tai broă, geh tai kơnòl broă, lơh bè lơi nàng mpồl lơh broă kấp sàh in lơh broă sùm, drơng broă làng bol niam rlau tai?

VOV4.K'Ho- Mang òr (20/04), Tổng Ƀí thư ồng Tô Lâm, Ƀí thư Mpồl duh broă Đảng ling klàng dà lơgar neh tus bal broă lơh đơs crih tamya “Dà lơgar wil tơl bơta chờ hờp” – dùl tàm ală broă lơh tơngkah 50 nam Ngai tơngklàs tiah đah jum, tơrgùm dùl dà lơgar.

VOV4.K'Ho- Mho òr (20/04), tàm ƀòn dờng Hồ Chí Minh, ồng Nguyễn Trọng Nghĩa, Kwang Lam bồ Ƀan Tuyên giáo dà lơgar neh lòt còp, pà phan ală mpồl tus bal ai ling lòt tàm pơdar tàm gùng ngai 30/4.

VOV4.K'Ho- Tàm 2 ngai, bơh ngai 20 tus ngai 21 nhai 04, jơh 218 sàh, sơnah ƀòn, ƀòn drà dềt tàm càr Gia Lai dơ̆ lĕ bal bơyai lơh ai jơnau đơs cau tĕ khà bè Jơnau lơh nền rơndap tap sèng ală mpồl lơh broă sră pơ àr gơnoar atbồ kâp sàh.

VOV4.K’Ho- Drim òr (20/04), tàm Hìu bơsram Đại họk Sư phạm Kỹ thuật ƀòn dờng Hồ Chí Minh, Thủ tướng ồng Phạm Minh Chính tus bal Ngai chờ Sơnđờm mut lơh broă Dà lơgar dơ̆ 7.

VOV4.K'Ho- Anih duh broă làng bol càr Dăk Nông pa ring bal bơnah priă bơcri 600 tơmàn đong nàng lơh niam wơl gùng càr 1

VOV4.K'Ho- Tềng đăp mờ gùng dà broă lơh bơh Ƀộ Cíñ trị dê bè broă tơmŭt bal bàr càr Dăk Lăk mờ càr Phú Yên gơs dùl càr pa mờ măt sơnđan càr Dăk Lăk, uă kwang bàng lơh broă kăc màng lài do, cau bơsram dờng mờ làng bol bàr càr tơlik nùs nhơm ring bal mờ kơ̆p kờñ tàm dùl rài tơnơ̆ do bơtàu tơnguh ndrờm bal, kơl jăp, ai bơh tàm bơta tờm rài lài do đềt mềr mờ dong kờl bal bơh tàm rài tam lơh.