VOV4.K'Ho - Dờp jơnau jà bơh Thủ tướng Cíñ phủ lơgar he ồng Phạm Minh Chính dê, Thủ tướng lơgar Ethiopia ồng Abiy Ahmed Ali còp ngan ngồn lơgar Việt Nam mờ tus bal Pơrjum kâp dờng Cribơyai lơh broă bal tài Bơtàu tơnguh tơlir mờ Jơnau kờñ gùt plai ù (P4G) dơ̆ 4 bơh ngai 14 tus ngai 17 nhai 4.

VOV4.K'Ho- Jơnau tơnggit tàm lơgar mờ dunia geh ală jơnau tơnggit tờm tơnơ̆ do: - Lơgar Việt Nam mờ lơgar Lo geh jơnau yal bơr bal tơnơ̆ dơ̆ tus còp lơgar Việt Nam bơh Tổng Ƀí thư, Củ tịc lơgar Lo ồng Tập Cận Bình dê; -Thủ tướng lơgar Kộng hoà làng bol lơh tờm ală ƀang Ethiopia còp mùl màl lơgar Việt Nam; - Càr Dăk Nông mhar ai jơnau đơs bè broă rơndăp lơh rơndăp tăp sèng wơl mpồl lơh broă sră nggal gơnoar ătbồ kấp sàh; - Càr Dăk Lăk lơh 3 mpồl ală gah, lam lòt sền kloh niam phan sa ală tiah tàm càr; - Ală lơgar tàm dunia lơh pràn ală dơ̆ tơrña bơyai kă bro phan mờ lơgar Mỹ tàm tơngai lơgar Mỹ ơm ing ală broă ngui dia pa. Tŭ do, jà làng bol mờ gơp bơyô iat jơnau tơnggit nền cê:

VOV4.K'Ho- Nàng lơh geh cồng nha “Nhai lơh broă tài kloh niam phan sa” nam 2025, Anih duh broă làng bol càr Dăk Lăk lơh geh 3 mpồl kwang bàng lòt sền tus bơh ală gah lơh broă, nàng bơyai lòt sền kloh niam phan sa ală tiah tàm càr.

VOV4.K'Ho- Ngai òr (15/04), Sờh Lơh Broă dơlam is càr Dăk Nông geh sră nggal pơyoa tus ală kơnhoàl, ƀòn dờng nàng mhar ai jơnau đơs bè broă rơndăp lơh rơndăp tăp sèng wơl mpồl lơh broă sră nggal gơnoar ătbồ kấp sàh.

VOV4.K'Ho- Dờp jơnau jà bơh Tổng Ƀí thư Đảng Kộng sản lơgar Việt Nam ồng Tô Lâm, Củ tịc lơgar Kộng hoà sàh hội củ nghĩa Việt Nam ồng Lương Cường, Tổng Ƀí thư Đảng Kộng sản lơgar Lo, Củ tịc lơgar Kộng hoà làng bol lơgar Lo ồng Tập Cận Bình neh tus còp cấp Dà lơgar tus lơgar Việt Nam bơh ngai 14 tus ngai 15 nhai 4 nam 2025.

VOV4.K’Ho- Drim ngai 15/04, Thủ tướng Cíñ phủ ồng Phạm Minh Chính đơng lam Pơrjum mờ ală mpồl lơh sa kă bro dà lơgar lơh lài tàm tam gơl sồ mờ ai tơl bơta gơguh tai in.

VOV4.K’Ho- Drim ngai 15/04, Anih duh broă Làng bol càr Gia Lai bơyai lơh Dơ̆ tơngkah kir sơnrai 60 nam Ngai bơhiàn Ling Sền gàr tiah nhàr lơgar càr mờ dờp rò Huân cương Sền gàr Dà lơgar khà II.

VOV4.K’Ho- Drim òr (15/04), tàm ƀòn dờng Phan Rang - Tháp Chàm, Anih duh broă Làng bol càr Ninh Thuận yŭ rơyùm bơyai lơh dơ̆ tơnkah 50 nam Ngai tơnklàs.

VOV4.K’Ho- Anih Duh broă Làng bol càr Dăk Lăk neh lơh broă rơndăp lơh tơrgùm bal bè ai tiah ơm mờ hìu bơsram ai kwang bàng, kông cứk mờ oh kòn bơh càr Phú Yên tus lơh broă tàm càr dê tơnơ̆ tŭ tơmut bal 2 càr.

VOV4.K’Ho- Tàm càr Dăk Nông, tŭ do dà tàm ală tơnau dà, dà dờng dà croh soăt mhar ngan tàm tŭ jơnau kờñ tuh dà ai chi tam in gơguh uă. Cau lơh broă sa ală ƀòn lơgar tàm càr gam bòl glar drơng wơl mờ jơnau geh ngan trồ prang dờng tàm kàl ro kơnrañ uă.