Boh bơr đềt mềr mờ gal oh mi lơh broă gah lơh chah, Tổng Ƀí thư ồng Tô Lâm đơs nền, ờ mìng tàm rài tam lơh nàng geh bơta khăt gơboh krơi is jơi bơtiàn dê mờ tàm jơh tơngai sền gàr mờ bơ̆t bơtàu rài xã hội củ nghĩa, rài cau lơh phan Việt Nam dê, tàm hơ̆ cau lơh phan gah lơh chah sùm là mpồl tờm, lam lài tàm broă lơh, tàm broă brồ guh mờ bơtàu tơnguh lơh sa dê, tàm broă lơh jăt ală kơnòl broă kwơ màng dà lơgar dê.

Tổng Ƀí thư ồng Tô Lâm sồr mờ kơ̆p kờñ cau lơh broă bal mờ gah lơh chah-phan geh is pal lơh mùl màl jơh tàm ală gah broă tờm, hơ̆ là: Tơnguh uă cồng nha, bơta niam bal mờ cồng nha lơh broă. Gùt gah do pal pơn jăt tai tam gơl pa broă lơh, lơh pràn broă ai măi mok lơh broă, ngui bơta chài – măi mok mờ tam gơl sồ tàm broă đơng lam, atbồ broă lơh bơtô chah. Tổng Ƀí thư sồr Tập đoàn lơh sa mờ măy mŏk Chah mờ Phan kwơ tàm ù Việt Nam pơn jăt tai drơng gàr hìu ơm, bơta kwơ bal mờ ală broă lơh mpồl bơtiàn ai cau lơh broă in. Tàm hơ̆ uă ngan là broă bơ̆t bơtàu tiah kis lơngăp lơngai, gơguh jăk, đềt mềr rơ̆p dong kờl cau lơh broă iang nùs lơh broă jŏ jòng, đềt mềr mờ bơtô chah, mờ gah lơh chah dê.