Lơh jat Jơnau lơh nền bơh Cíñ phủ dê sồ 154 nam 2025, ngai 29/1/2026 càr Lâm Đồng ai lơh jat Broă rơndăp lơh tơrmù cau lơh broă sa priă nhai nam 2026. Broă rơndăp lơh nàng kờñ pơn jat tai rơndăp tăp sèng tơrmù mpồl lơh broă, tơnguh uă gơtùi lơh broă, cồng nha lơh broă bơh ală anih lơh broă sră pơ àr gơnoar atbồ Dà lơgar, mpồl lơh broă broă lơh dà lơgar tàm ù tiah càr dê.

Jat hơ̆, tàm nam 2026, càr Lâm Đồng kờp dŭ geh 605 nă kwang bàng, kông cứk, viên cứk gơwèt 104 anih lơh broă, mpồl lơh broă, ală tiah lơh jat broă tơrmù cau lơh broă sa priă nhai. Tàm hơ̆ geh 468 nă cau geh dờp broă lơh dong kờl ơm rlô lơh broă lài mờ sơnam ơm rlô mờ 137 nă cau dờp geh broă lơh dong kờl tơn jơh lơh broă jat jơnau sồr dê. Càr Lâm Đồng sền gĭt loh làng jơnau kờñ ờ mìng tơrmù ƀà bè khà lơm mờ gam rơndăp tăp sèng wơl, tơnguh uă cồng nha lơh broă mpồl lơh broă dê, lơh geh jơnau kờñ kơnòl broă tàm bơta pa, wèt tus bơt bơtàu broă lơh sră nggal gơnoar atbồ tơrmù niam, lơh broă ờs mờng, lơh broă gơtùi mờ geh cồng nha.