Lơh jăt jơnau bơto sồr bơh Wa Hồ dê, Tổng Ƀí thư ồng Tô Lâm bal mờ mpồl kwang bàng lơh broă dan pơn jăt tai tam klăc bal ring bal, dùl nùs dùl pràn bal, lơh ngan uă tŭ geh bơta niam, bơta ƀuơn, tơnguh uă ngan ală bơta pràn nàng lơh jăt jơnau kờñ bơtàu tơnguh tơl ală bơta, pràn kơl dang, lơh pràn, ai dà lơgar mŭt tàm rài bơtàu tơnguh pa – rài brồ să bơh jơi bơtiàn Việt Nam dê; dan sùm bơsram mờ lơh jăt bồ tơngoh, nùs nhơm niam, broă lơh niam bơnĕ bơh Wa Hồ dê.

Cih tàm pang sră lời kir tàm do, Tổng Ƀí thư ồng Tô Lâm cih: “Jăt ơnà jăk Wa Hồ, bol kòn dan sùm ai bơta kwơ bơh Dà lơgar bal mờ Làng bol lài rơlao jơh, lài jơh, gàr kơl jăp tam klăc bal, duh ngòt, niam, đơs lòt bal mờ lơh, rềp làng bol, sền kwơ làng bol, tài làng bol. Tềng đă rùp rài Wa Hồ, bol kòn dan hơ pơn jăt tai lài kung bè tơnŏ gùng dà mờ Wa bal mờ Đảng neh rơwah, sền sùm is să tờm, lơh niam is, jơh nùs, jơh pràn, drơng broă Dà lơgar, drơng broă Làng bol, lơh ngan bơ̆t bơtàu dà lơgar pràn kơl dang, pas gơs, làng bol hờm ram, gơboh gơbài”.