Củ tịc lơgar đơs nền broă 2 gah lơh nền tơnguh bơta gĭt gơ̆p tus Tam klăc lơh broă bal kwơ màng tơl làm, khà lơh broă bal jơnhoa ngan rlau jơh, cih yal bơta sền dờng màng mờ jơh nùs lơh ngan cíñ trị bơh 2 gah dê ai bơta gĭt gơ̆p Việt Nam mờ EU ngan ngồn gơ gơs dùl nơm krơh lơh broă bal dê.

Củ tịc Mpồl duh broă câu Âu ồng António Costa jờng rơ broă tơnguh bơta gĭt gơ̆p đah EU mờ Việt Nam tus Tam klăc lơh broă bal kwơ màng tơl làm là dùl jơnau lơh nền cèng bơta kwơ kah yau, mơkung tơngŏ bơta sền sơnơng jŏ tơngai wèt tus rài tơnơ̆ do bơh 2 gah dê. Jơnau ring bal do là tơrgùm bal bơh 35 nam lơh broă bal kơ̆, cih yal gùng lòt bơtàu tơnguh pràn kơl dang bơh bơta gĭt gơ̆p EU mờ Việt Nam dê tàm tơngume tìp mat tơm bơh bơr, pin dờn, sền dờng màng bal mờ gơ̆p mờ hơ pơr gon bal tài ring lơngai mờ pas gơs.