Tàm dơ̆ tìp măt kâp dờng, Củ tịc lơgar ồng Lương Cường đơs nền, lơgar Việt Nam sùm kờñ bal pràn kơl dang, tơl ală bơta gơwèt mờ lơgar Lào mờ rơ̆p lơh jơh pràn nàng bal mờ Đảng, Dà lơgar bal mờ làng bol lơgar Lào prăp gàr, bơtơ̆t bơtàu mờ lơh niam rơlao tai bơta git gơ̆p tam klăc bal kwơ màng đah lơgar Việt Nam mờ lơgar Lào.

Củ tịc lơgar đơs nền bơta git gơ̆p đah lơgar Việt Nam mờ lơgar Lào là phan bơna bal kwơ màng, là anih kơl dìng kwơ màng ai bơta kơl jăp, bơtàu tơnguh mờ tơrgùm bal bơh tơl lơgar dê, mờ là bơta geh rài kah yau, bơta pràn bal mờ bơta geh nàng bàr lơgar pơn jăt tai prăp gàr, tơnguh mờ pơlam nàng ală rơnàng tơnơ̆ do in. Cri bơyai bè gùng dà broă lơh bal tàm tơngai tus, Củ tịc lơgar pà git bàt gah pơn jăt tai ai broă pơgồp bal kwơ màng tàm bơta git gơ̆p cíñ trị là broă lơh tờm, gàr gơnoar lơh tờm ai ală gah broă tàm broă lơh broă bal đah bàr lơgar dê.