VOV4.K'Ho - Sơnah ƀòn Pleiku geh càr Gia Lai sac rơ wah nàng ai lơh broă tơrlòng lài bơh ngai 25/6 jat gơnăp gơnoar, kơnòl broă pa tàm gơnoar atbồ kâp hơ đơm 2 kâp. Do là bơnàng jă nàng càr lam lơh dồ ròt tus 76 sàh, sơnah ƀòn gam wơl bơh ngai 01/7.

VOV4.K’Ho- Drim ngai 18/06, tàm ƀòn dờng Hồ Chí Minh, Tổng Ƀí thư ồng Tô Lâm đơng lam dơ̆ lơh broă mờ Mpồl Lơh kơnòl broă sùm Thàñ ủy ƀòn dờng Hồ Chí Minh, Tỉñ ủy càr Bà Rịa- Vũng Tàu mờ Tỉñ ủy càr Bình Dương bè cồng nha lơh jăt bàr pe kơnòl broă bơtàu tơngguh lơh sa- mpồl bơtiàn, broă lơh bơ̆t bơtàu Đảng 6 nhai do mờ broă lơh jăt ală Jơnau lơh nền tàm pơrjum, Jơnau đơs pơndŭt Dà lơgar dê tàm 3 ƀòn lơgar.

VOV4.K'Ho- Ngai òr (18/06), Tỉñ ủy càr Gai Lai bơyai lơh Pơrjum nàng sền wơl, lơh nền tơn jơh lơh broă bơh ală đảng ƀộ kấp kơnhoàl dê mờ tơnggơs ală đảng ƀộ kấp sàh pa jăt ală jơnau neh lơh nền rơn dăp tăp sèng mpồl kwang bàng mpồl lơh broă.

VOV4.K'Ho- Mho òr (18/06), tàm Hìu lơh broă Cíñ phủ, Thủ tướng ồng Phạm Minh Chính đơng lam Pơrjum gùt lơgar bè broă rơcang Pơrlòng jơh bơsram kấp pe nam 2025.

VOV4.K’Ho- Pơn jat tai broă lơh pơrjum dơ̆ 9, Quôk hội khoă 15, Quôk hội sơnđờm dar lùp mờ hơ jơnau lùp jŏ jòng 1 ngai nggùl bè 2 mpồl broă.

VOV4.K’Ho- Càr Dăk Lăk mờ Phú Yên pa geh sră yal, dan mờ Thủ tướng Ciñ phủ dờp bơcri priă lơh gùng rơndeh lòt mhar Phú Yên mờ Dăk Lăk bơh nam 2026 ala tài tơnơ̆ nam 2030 bè lài do mờ ờ gam ngui 100% kes priă Dà lơgar.

VOV4.K’Ho- Mpồl Lơh kơnòl broă sùm Tỉñ ủy càr Lâm Đồng, Bình Thuận mờ Dăk Nông pa pơrjum mờ ring bal broă lơh bơyai lơh tơrlòng lài 6 sàh, sơnah ƀòn tàm ală tiah geh tơmŭt bal bơh ngai 23 nhai 6 do.

VOV4.K'Ho- Càr Gia Lai gam lơh jăt dơ̆ lik lơh broă nàng sền mờ lơh glài ală broă kă bro phan blơ̆ blăc, pơrlồm kă bro, phan ờ ngan mờ tìs mờ gơnoar ngui bơta ngăc ngar. Dơ̆ lik lơh broă uă neh pơgồp bal bơnah broă lơh niam drà kă bro, sền gàr gơnoar kwơ cau ngui sa mờ tơnguh uă cồng nha atbồ dà lơgar.

VOV4.K'Ho- Di tơnkah 100 nam Ngai sră Ƀăo Kăc màng Việt Nam (21/06), Đảng ủy, Gah đơng lam Ling tiah 7 bơyai lơh tìp măt mpồl mblàng yal bơto bơtê mờ hòi jà làng bol, sờh Niam chài mờ tàp pràn să jan ală càr, ƀòn dờng, ală anih lơh broă yal tơngit, sră ƀăo mờ jào sră jờng rơ ai ală mpồl lơh broă, cau dùl nă să in.

VOV4.K’Ho- Càr Lâm Đồng neh lơh glài 39 mpồl đảng mờ mờr 1 rbô 300 nă đảng viên tài lơh tìs adăt boh lam.