Càr Lâm Đồng geh bă ù ơnàng ngan rlau jơh dà lơgar mờ rlau 24 rbô 200 kơi sồ vuông, jơnau kờñ tàm tơrbŏ bal gùng lòt tàm tŭ tơngai bơtàu tơnguh pa là jal mhar ngan. Bal mờ lơh niam wơl ală gơl gùng càr, gùng dà lơgar, gùng rơndeh ồs, ƀlàng rơndeh par gam geh tŭ do, tàm nam 2025 càr neh sơn đờm lam lơh dồ ròt ală rơndap broă lơh gùng rơndeh lòt mhar tơrbŏ bơh Dà Làc mờ bơh Gia Nghiã tus ƀòn dờng Hồ Chí Minh, ală gơl gùng tờm rê hờ 3 tiah tờm là Dà Làc, Gia Nghĩa mờ Phan Thiết.

Bơta pal cih dờp là gơnoar atbồ mờ làng bol càr Lâm Đồng ndrờm dồ nùs bal pơgồp bal bơta pràn lam lơh ngan ngồn bơta kơp kờñ gùng dờng bơtàu tơnguh. Bè tàm sàh Phúc Thọ Lâm Hà, bơh ală cau lam lài là ală đảng viên ci ƀộ thôn Tân Hợp, mờr 100 hìu bơnhă làng bol tàm thôn ring bal dồ nùs ai is mờr 23 rbô thơk vuông ù gam tam kơphe nàng gơnoar atbồ pờ gùng dà lơgar 28 mờ gùng càr 725.