VOV4.K’Ho- Tàm tơngume lòt còp ngan ngồn lơgar Kộng hòa Uzbekinstan, ngai 8 nhai 04, (jat jiơ Hà Nội dê), Củ tịc Quôk hội ồng Trần Thanh Mẫn tus bal pơrjum bơyai Mpồl Lơh sa kă bro Việt Nam mờ Uzbekinstan.

VOV4.K’Ho- Drim ngai 07 nhai 04 hơ̆ là ngai 10 nhai pe nam Ất Tỵ, tàm Gơlăng Kính Thiên tềng hơđăng bồ bơnơm Nghĩa Lĩnh gơ wèt Tiah tềl lời wơl Kah yau Dà lơgar dờng màng Hìu duh kah Bơtau Hùng, Đảng ƀộ, gơnoar ătbồ mờ làng bol càr Phú Thọ ala măt làng bol cau ling gùt lơgar mờ làng bol he tàm lơgar ndai, bơyai lơh yŭ rơyùm Lơh chờ chu ñàng kah kơlôi ală Bơtau Hùng.

VOV4.K’Ho- Drim ngai 07/04, di dơ̆ chu ñàng Duh kah Bơtau Hùng, Củ tịc lơgar ồng Lương Cường neh lòt còp mờ pơndờm pơnđiang kwang bàng, cau ling kwang àng Phú Thọ tàm Anih tờm yal tơnggĭt jơnau đơng lam Kwang àng càr Phú Thọ lơh tàm Tiah tềl lời wơl kah yau Hìu duh khuai Bơtau Hùng.

VOV4.K’Ho- Tỉñ ủy càr Dăk Lăk pa bơyai lơh Pơrjum Mpồl Duh broă Đảng ƀộ càr Dăk Lăk dơ̆ 31 bal mờ uă tơngume kwơmàng.

VOV4.K’Ho- Lơh jăt Srơh tàm pơrlòng “Sơm băt tê bal tơn jơh hìu ing, hìu ồm sèt ñhăt dà mìu tàm làm jơh gùt lơgar tàm nam 2025” jăt jơnau sồr lơh bơh Cíñ phủ dê, tus lồi nhai 03, càr Kon Tum neh lơh pa, lơh niam wơl geh 1 rbô 776 nơm hìu tàm kờp jơh 2 rbô 752 nơm. Mờ bơta jơh nùs lơh ngan tus lồi nhai 6 tus, jơh ală hìu rƀah, hìu pa jơh rƀah, hìu bơnhă rài kis kal ke ờ gam pal ơm kis tàm ală hìu ing, ồm sèt ñhăt dà mìu, ală đảng viên tàm càr Kon Tum gam lòt lài dong làng bol bơ̆t mòn ală hìu niam tre, kơnhăp ngan bal mờ bơta kwơ jơnhao rlau khà dong kờl.

VOV4.K'Ho- Mang òr (07/04), tàm Hìu lơh broă Cíñ phủ, Thủ tướng ồng Phạm Minh Chính đơng lam Pơrjum Thủ tướng Cíñ phủ mờ ală Ƀộ, gah lơh broă dà lơgar, Anih lơh broă ala măt lơgar Việt Nam tàm lơgar bơdìh,ală mpồl tam klăc, mpồl lơh sa kă bro nàng cri bơyai gùng dà broă rơcang gơdờp bal mờ bơta pa bè kă bro phan mờ ală lơgar.

VOV4.K’Ho- Tàm ală nam do, lơh sa - mpồl bơtiàn tàm tiah làng bol jơi bơtiàn dồ ết nă cau tàm càr Bà Rịa- Vũng Tàu ngai sơlơ bơtàu tơnguh. Lơh geh cồng nha hơ̆ là kơnờm bơta sền gròi bơh ală kấp ủy Đảng, gơnoar atbồ bal mờ bơta lơh ngan sơr lèt kal ke bơh làng bol jơi bơtiàn dê, tàm hơ̆ geh bơta tă pơgồp bal dà kơl hề bơh ală cau geh bơngă pin dờn. Khi ờ mìng là tê tơn jòng bơh gơnoar atbồ dê lơm mờ gam là tiah kơldìng bơh làng bol jơi bơtiàn dồ ết nă cau dê.

VOV4.K'Ho - Duh kah bơtau dà lơgar ngai 10 nhai 3 jat nam lơgar he dê ờ mìng là tŭ nàng kah kơlôi tơngu rơyas mờ gam cèng pơrya kờñ bơto bơtê niam ngan gơ wèt mờ cau kơnòm să, tơnguh bơta pơn yờ să jơi bơtiàn, nùs nhơm kờñ gơboh dà lơgar mờ jơnau git wă sền gàr ală bơta kuơ niam chài bơh yau. Gơ rờm bal mờ nùs nhơm hơ̆, pơgru mờ kơnòm bơsram Hìu bơsram kâp 2 Nguyễn Văn Cừ, ƀòn dờng Buôn Ma Thuột, càr Dăk Lăk neh lam lơh uă broă lơh duh hồl ngan bè pơrlòng jòi git kah yau rài bơtau Hùng, lơh wơl jơnau yal yau bơh yau, tus bal bơta nhơl ñŏ bơh yau… Bơh hơ̆, ală kơnòm bơsram ờ mìng geh tŭ niam nàng git kah yau dồ bă niam ngan mờ gam lơh gơlik nùs nhơm tam klac bal mờ geh kơnòl mờ ƀòn tờm, dà lơgar.

VOV4.K'Ho - Bulah tiah ring dà dờng Cửu Long geh ală dà dờng, rbòng dà uă ngan, geh uă bồt bơlàu mơya mờ bơta sền gròi bơh Đảng – Dà lơgar dê neh tă priă lơh phan bơna gùng lòt den tus tŭ do muh mat ù tiah do neh tam gơl loh làng ngan. Rbàng, gùng lòt geh lơh kơ̆ kơljap, dờng niam, gùng lòt ƀuơn ƀuài, ring niam, tơrmù lơyah tŭ jơ lòt rê, pơndiang phan bơna là bơta niam ngan nàng ù tiah 9 nơm dà dờng do in bơtàu tơnguh, brồ guh pin dờn cơnđuà mut tàm rài pa.

VOV4.K'Ho- Drim òr (04/04), tàm Anih ala măt lơgar Lào tàm ƀòn dờng Hồ Chí Minh, Phó Ƀí thư duh broă sùm Thàñ ủy ƀòn dờng Hồ Chí Minh ồng Nguyễn Thanh Nghị lam bồ mpồl cau ala măt neh tus ies ƀồc ồng Khamtay Siphandone.