VOV4.K’Ho- Ngai 09 nhai 06, di dơ̆ tus bal Pơrjum kấp dờng dơ̆ 3 bơh Liên hợp quôk bè Dà lềng dờng tàm lơgar Tây, Thủ tướng Cíñ phủ ồng Phạm Minh Chính neh geh 2 dơ̆ tìp mờ Củ tịc Mpồl duh broă câu Âu ồng Antonio Costa mờ Củ tịc Anih duh broă câu Âu mò Ursula von der Leyen.

VOV4.K'Ho- Bơh tơrgùm jơh, neh geh rlau 280 tơlak dơ̆ jơnau đơs tă pơgồp jơnau đơs bơh anih lơh broă, mpồl lơh broă, cau nă să is dê bè jơh ală tơngume, bơta sèng tàm jơnau rơcăng cih Jơnau lơh nền tàm pơrjum; tàm hơ̆, kờp bal khà ring bal là 99,75%.

VOV4.K'Ho- Thủ tướng Cíñ phủ hòi jà mpồl bơtiàn ală lơgar pal lơh broă mhar rlau, pràn rlau, kràñ cê rlau tai mờ pal geh bơta pơgồp bal bơh ală lơgar, ală tiah mờ jơh gùt dunia dê tàm broă prap gàr mờ ngui kơ̆ kơljap sùm dà lềng dờng tơlir.

VOV4.K'Ho- Bal mờ gùt lơgar, Gah Bơto bơtê mờ Bơsram ală càr Dăk Lăk, Kon Tum gam lơh sir ală broă rơcang lài nàng kờñ gàr dơ̆ pơrlòng jơh bơsram kâp 3 nam 2025 geh lơh lơngăp lơngai, nền nòn, di mờ kơrnuat pơrlòng.

VOV4.K'Ho- Di tus Pơrjum Kấp dờng dơ̆ 03 bơh Liên hợp quốk dê bè Dà lềng dờng geh bơyai lơh tàm lơgar Tây, Thủ tướng Cíñ phủ ồng Phạm Minh Chính neh tìp mờ ồng Rodrigo Chaves, Kwang atbồ lơgar Costa Rica.

VOV4.K’Ho- Lơh jat srơh tơn jơh hìu lơh ing, hìu ồm sèt nhăt dà mìu bơh Cíñ phủ dê, Ƀộ Kwang àng neh hòi jà ală mpồl lơh broă dong kờl, tă pơgồp bal dong kờl càr Dăk Nông lơh 500 nơm hìu mờ kờp jơh priă tă lơh 30 tơmàn đong. Tŭ do jơh 500 nơm hìu neh geh sơnđờm mut lơh mờ rlau 100 nơm hìu neh lơh sir. Mờ nùs nhơm “Sơrlèt trồ tơngai duh jai pha trồ mìu” gam geh Kwang àng càr Dăk Nông tơngŏ loh làng ngan, ai jơnau kờñ rơ̆p lơh sir jơh ală hìu nàng jàu ai ală hìu bơnhă in mut ơm tàm nhai 6 do.

VOV4.K’Ho- Drim òr (09/06), tàm càr Lâm Đồng, Tổng Ƀí thư ồng Tô Lâm đơng lam dơ̆ lơh broă mờ Mpồl Lơh kơnòl broă sùm Tỉñ ủy càr Lâm Đồng mờ Duh broă sùm ală Tỉñ ủy càr Bình Thuận mờ Dăk Nông bè bơta lam lơh jat ală Jơnau lơh nền tàm pơrjum, Jơnau đơs pơndŭt bơh Dà lơgar dê; broă rơndăp tăp sèng mpồl lơh broă bơh 3 càr dê pơgồp bal bơyai lơh pơrjum dờng đảng ƀộ ală kấp.

VOV4.K’Ho- Tàm ƀòn dờng Buôn Ma Thuột, càr Dăk Lăk pa bơyai lơh dơ̆ dờp rò Gai lòng Lơh broă khà 1 bơh Cíñ phủ Lào dê jàu pà.

VOV4.K’Ho- Ngai òr (08/06), Đảng ƀộ Anih duh broă Jơnau kơ̆p kờñ làng bol dê mờ Jat sền bơh Quôk hội bơyai lơh Pơrjum dờng dơ̆ 1, tơngai lơh broă bơh nam 2025–2030. Phó Củ tịc Quôk hội, Thượng tướng ồng Trần Quang Phương tus bal mờ đơng lam Pơrjum dờng.

VOV4.K'Ho - Tàm dar pơrjum bal dơ̆ 4 Anih Priă jền mờ Lơh sa tơlir bơyai lơh ngai 08/6 tàm lơgar Monaco, Thủ tướng ồng Phạm Minh Chính đơs nền, Việt Nam sùm là lơgar lơh broă bal pin dờn ngan, rơcang lòt bal mờ mpồl bơtiàn ală lơgar tàm broă lơh ngan sền gàr dà lềng dờng.