Thủ tướng pà git, tàm nam 2025, Cíñ phủ mờ Thủ tướng Cíñ phủ neh sồr lơh pràn ngan broă lơh hìu ơm, is ồn là hìu ơm mpồl bơtiàn mờ broă lơh gơs rlau 102 rbô nơm hìu, mờ kung gam wèt tus jơnau kờñ lơh gơs gờñ 1 tơlak nơm hìu ơm mpồl bơtiàn tàm nam 2028. Bal mờ hơ̆, broă tơn jơh hìu ing, hìu ồm sèt nhăt dà mìu, lơh hìu ơm ai cau geh màng mờ dà lơgar in geh lơh gơs gờñ lài 5 nam 4 nhai; Broă lơh Quang Trung lơh niam wơl, lơh pa hìu ơm ai làng bol gơtìp gơ rềng tài bơh trồ tiah lơh aniai gam geh jal mhar lam lơh.

Tàm dar pơrjum, Thủ tướng sồr tơrgùm sền sơ wì tơl làm bơta geh ngan hìu ơm mờ drà kă bro ù tiah hìu đam tus jơh quý 4 nam 2025, bơta ai càn priă ù tiah hìu đam, mờ kung geh jơnau sồr broă jàu bè hìu ơm mpồl bơtiàn ai ơpah tơngai nam 2026 mờ ală nam pơn jat tai, gàr di gơnăp gơnoar mờ lơh pràn tam gơl wơl sră pơ àr gơnoar atbồ.