Gùt càr geh 41 nơm hìu geh dong kờl lơh pa, tàm hơ̆ Kwang àng càr dờp lơh 27 nơm hìu mờ tus jơh ngai 07 nhai 1 nam 2026 neh lơh gơs, jào 100% ai làng bol in.

Tàm broă lơh, kwang bàng, cau ling Kwang àng càr neh tă pơgồp rơlao 33 rơbô 620 ngai lơh, mìng is mpồl Kảñ sát kơ động mờ mpồl sền gàr lơngăp lơngai tàm ƀòn neh pơgồp bal rơlao 1 rơbô 200 ngai lơh, uă kwang bàng, cau ling neh tơnguh ngai lơh, lơh hìu ngai kung bè mang, rơcang is tơl ală bơta nàng lơh gơs hìu di mờ tơngai geh ai. Bơdìh mờ priă geh Ƀộ Kwang àng dong kờl, kwang àng càr gam hòi jà ală cau, mpồl lơh broă tàm mpồl bơtiàn tă rơlao 622 tơlăk đong bal mờ uă phan lơh hìu, phan ngui. Đơs tàm pơrjum, Thiếu tướng Trương Minh Đương, Kwang lam bồ Kwang àng càr Lâm Đồng đơs nền, broă lơh do neh lơh geh cồng nha, pơn jăt tai lơh geh uă nùs nhơm “tŭ làng bol kờñ, tŭ làng bol kal ke-geh Kwang àng”.