Phó Thủ tướng ồng Hồ Quốc Dũng pa lòt sền bơta geh ngan mờ lơh broă mờ Anih duh broă Làng bol càr Gia Lai bè broă lam lơh “Broă lơh Quang Trung” dong kờl làng bol bơsong jơnau gơ lời wơl tơnơ̆ trồ tiah lơh aniai, gàr bè ờs wơl rài kis. Lam lơh broă lơh, càr Gia Lai neh sồr rlau 1 rbô 200 nă kwang bàng, cau ling mờ 650 nă kwang bàng, cau ling kwang àng tus bal tơn dong kờl lơh pa, lơh niam wơl hìu ơm ai làng bol in. 

Tus tŭ do, jơh rlau 27 rbô 500 nơm hìu kờñ geh lơh niam wơl neh lơh gơs, tàm khà 674 nơm hìu lơh pa, rlau 96% neh lơh gơs, ală hìu gam wơl gam geh tơnguh mhar tơngai lam lơh, pơnđơl lơh gơs lài mờ ngai 15/01 do jat jơnau sồr lơh bơh Thủ tướng Cíñ phủ dê. Phó Thủ tướng đơs niam nùs nhơm geh kơnòl, bơta lơh broă kràñ cê bơh càr Gia Lai dê tàm broă lam lơh “Broă lơh Quang Trung”, bal mờ bơta dong kờl geh cồng nha bơh mpồl ling, kwang àng dê. Phó Thủ tướng sồr càr pơn jat tai kờp sền tơl hìu bơnhă làng bol nàng di tŭ bơsong bơta ờ niam, gàr làng bol geh wă rò sa tềp bơhiàn dà lơgar nam ơseh niam ờdo ơdă mờ lam lơh ală broă lơh gàr lơngăp lơngai rài kis mpồl bơtiàn jŏ jòng.