Tàm pơrjum, Thủ tướng đơs niam broă lơh ngan mờ cồng nha tàm broă bơsong jơnau gơlời wơl tài bơh ƀồm mền tàm 15 nam do; tơlik nùs nhơm ưn ngài Cíñ phủ ală lơgar, ală mpồl lơh broă ală lơgar lơh broă bal mờ lơgar Việt Nam tàm broă bơsong hoàc huơr rài tam lơh, bơsong hoàc huơr ƀồm mền.

Thủ tướng sồr tàm tơngai tus lơh mhar broă bơsong hoàc huơr ƀồm mền, lơh geh cồng nha jơnau kờñ tus nam 2045 lơh kloh jơh bă ù gơtìp ƀồm mền lơh aniai tus mờ bơta jrô nggùl thơ̆k; sồr Ƀộ Priă jền ai geh priă lơh, tơrgùm bơsong hoàc huơr ƀồm mền. Lơh pràn broă kơlôi sơnơng, ngui ală cồng nha bơta chài mờ măi mok pơgồp bal mờ tam gơl sồ; tơnguh uă broă lơh tàm dơlam lơgar dê, wèt tus lơh tờm măi mok jòi rồ ƀồm mền.