Tàm càr Lâm Đồng, 3 rơndăp broă lơh gùng ù gờl tờm dà lơgar dê gam geh lơh jal mhar. Rơndăp broă lơh gùng rơndeh lòt mhar Tân Phú – Bảo Lộc, jăt broă lơh dà lơgar mờ cau dùl nă să lơh bal, jòng 66 kơi sồ, tàm hơ̆ lòt gan càr Lâm Đồng jòng 55 kơi sồ, sơn đờm mŭt lơh ngai 19 nhai 12 nam 2025.

Broă lơh tơm ntrờn ù tiah geh lơh bơh nhai 10 nam 2025. Tus tŭ do, càr neh kĭ ai gùng dà broă lơh tơm bơtơl ai 590 tàm 898 hìu làng bol gơtìp gơrềng in. Gơwèt mờ Rơndăp broă lơh gùng rơndeh lòt mhar Đah tô – Đah jum tàm tiah đah măt tơngai mŭt, gơl gùng Gia Nghĩa – Chơn Thành jòng mờr 129 kơi sồ, tàm hơ̆ gơl gùng lòt gan càr Lâm Đồng jòng rơlao 23 kơi sồ neh geh 135 tàm 152 hìu làng bol geh kĭ ai gùng dà broă lơh tơm ntrờn, kờp dŭ lơh gơs tàm nhai 1 nam 2026. Gơwèt mờ gơl gùng rơndeh lòt Mhar Bảo Lộc – Liang Khàng, jòng 74 kơi sồ, neh geh 2 rơbô 347 pang sră tàm 2 rơbô 464 pang sră geh kĭ nàng tơm ntrờn. Kờp bal jơh 3 rơndăp broă lơh do, khà sră nggal tơm ntrờn ù tiah geh kĭ tơm ntrờn neh geh rơlao 87%.