Wă Kwang atbồ Anih lơh broă ala mat lơgar Campuchia mò Chea Kimtha, Củ tịc Quôk hội ồng Trần Thanh Mẫn mờ mò Chea Kimtha chờ hờp sền gŏ, lơh broă bal lơh sa pơn jat tai là bơta niam pơn rơ ngan mờ priă lơh geh bơh kă bro phan đah 2 lơgar tàm nam 2025 geh rlau 11 tơmàn dolar Mỹ, gơguh mờr 12% pơndrờm mờ nam 2024; ring bal đơs là, bơta ƀuơn lơh broă bal lơh sa đah 2 lơgar gam dờng ngan, kờñ pal pơn jat tai lơh pràn lơh broă bal ngan ngồn mờ geh cồng nha rlau, pơnđơl ai priă lơh geh bơh kă bro phan đah 2 lơgar gờñ lơh geh broă jàu 20 tơmàn dolar Mỹ bè Đơng lam 2 lơgar neh ai tơlik.

Wă Kwang atbồ Anih lơh broă ala mat lơgar Mỹ ồng Marc Knapper, Củ tịc Quôk hội ồng Trần Thanh Mẫn đơs nền, Quôk hội Việt Nam rơcang lài pơgồp bal jơh nùs mờ Quôk hội Mỹ nàng kờñ lơh sir tơngume adat boh lam ƀuơn ƀuài ai lơh broă bal 2 gah in, lơh gơlik bơta niam nàng ală gùng dà broă lơh đah 2 lơgar in geh lam lơh jat geh cồng nha, kơnhăp kơ̆.