Jăt Thủ tướng đơs, tam gơl sồ, bơtàu tơnguh Cíñ phủ sồ, lơh sa sồ, mpồl bơtiàn sồ gam gơs bơta pràn gơguh lơh sa pa, rơhời ai tơngŏ gơnoar là bơta tờm bơh bơtàu tơnguh kơl jăp dê. Thủ tướng đơs nền, bơh tŭ mŭt bal tàm mpồl ASEAN, lơgar Việt Nam sùm sền mpồl ASEAN là broă lơh ai lài mờ kwơ màng ngan tàm broă lơh bal mờ lơgar ndai dê.

Bơdìh mờ ală cồng nha niam neh lơh geh, Thủ tướng đơs là mpồl ASEAN pal sền di ală bơta lòng dờng ngan tŭ do, tàm hơ̆ uă ngan là tàm pơrlòng kwơ màng ngai sơlơ cui rơcai tàm gah măi mok, yal tơngit mờ tiah lơh sa sồ. Tềng đăp mờ jơnau kờñ do, Thủ tướng sồr mpồl ASEAN lơh pràn broă bơ̆t bơtàu alăkơrnoăt boh lam tơrlòng lơh ai măi mok pa in, broă kă bro pa nàng lơh geh uă tàm gùt tiah do; mờ đơs nền bơtàu tơnguh bơta ngăc ngar kòn bơnus lơh gơs pal pơgồp bal mờ bơta niam nùs nhơm, ai kòn bơnus lơh tờm, drơng jơnau kờñ ring lơngai, lơh broă bal mờ bơtàu tơnguh kơl jăp.