Anih duh broă Làng bol càr Gia Lai pa ai lơh jat Jơnau lơh nền ring bal ai Kông ty Kong kơnòl nă să is Bơcri priă mờ Atbồ hìu jơnhua cờn Ion Complex, ƀòn dờng Hà Nội là cau tờm bơcri priă lam lơh Rơndap broă lơh ƀlàng nhơl golf Đăk Đoa, mờ kờp jơh priă bơcri rlau 1 rbô 150 tơmàn đong. Rơndap broă lơh Ƀlàng nhơl golf Đăk Đoa geh lam lơh tàm Tiah bơrlŭ bal Đăk Đoa, tơngai lam lơh bơh quý 1 nam 2026 tus quý 4 nam 2029, tơngai lơh broă 50 nam.

Anih duh broă làng bol càr Gia Lai jàu Sờh Broă lơh sa suơn sre mờ Tiah ơm kis đơng lam kờp sền, lam lơh ală sră pơ àr jàu ù, ai ơpah ù di jơnau cih adat boh lam dê; mờ kung pơgồp bal mờ Sờh priă jền git nền khà priă phan bơna gơ jat mờ ù, tàm hơ̆ geh bă brê nho mờ ală priă tă geh gơ rềng mờ cau bơcri priă neh tơmut tàm kes priă tŭ pơrlòng giă gơ kờn. Ală sờh, gah broă lơh geh gơ rềng mờ Anih duh broă Làng bol sàh Đăk Đoa geh kơnòl pơgồp bal, jat sền, pơlam cau bơcri priă lam lơh wil tơl ală sră pơ àr bè bơcri priă, ù tiah, bơt bơtàu, rơndap ù tiah, sền gàr tiah ơm kis, rơcang lài crùh ồs sa, gàr niam lơngăp lơngai, rơndap tap sèng.