Rơndăp broă lơh gơrềng tơn tus pơgăp 477 hìu làng bol, mờ rlau 2 rbô nă làng bol tàm sàh Phước Dinh. Jơnau kờñ sùm sùm bơh Rơndăp broă lơh dê là lơh bè lơi nàng làng bol tus tiah ơm pa geh rài kis ndrờm halà niam rlau mờ tiah ơm yau, rơhời kơ̆ kơl jăp broă lơh broă sa jŏ jòng. Kờp jơh khà priă bơcri rơndăp broă lơh rlau 3 rbô 200 tơmàn đong. Nàng lơh sir Rơndăp broă lơh Đèng hạt ñân Ninh Thuận 1 mờ 2 lài mờ nam 2031, Quôk hội neh ai lơh jăt ală kơrnoăt boh lam, gùng dà broă lơh krơi is, is ồn là gùng dà broă tơm wơl, dong kờl, rơndăp ƀòn ơm kis pa tàm khà uă ngan rlau jơh nàng kờñ sền gàr gơnoar kwơ dipal ngan làng bol dê.

Phó Thủ tướng ồng Bùi Thanh Sơn sồr ală ƀộ, gah, ƀòn lơgar geh gơrềng sơrbăc mhar lam lơh ală bơnah broă drơng ntrờn làng bol, sờr ntrờn ù tiah ai ù lơh jăt di jơnau cih bơh kơrnoăt boh lam dê, ai tơl broă lơh broă sa jŏ jòng ai làng bol in.