Rơndăp broă lơh geh bơtàu tơnguh jăt broă lơh hìu sơnơm ngăc ngar, “hìu sơnơm tơlir”, ngui măi mok pa mờ bơta ngăc ngar kòn bơnus lơh gơs tàm broă sền nàng git kòp, sơm kòp, atbồ lơh broă bal mờ atbồ tiah ơm rơlô să, wèt tus lơh gơs bơta tờm măi mok ai mpồl lơh sơnơm Càr lơgar in tàm tơngai tam gơl sồ.

Mờ kờp jơh khà priă bơcri rơlao 16 rơbô tơmàn đong, rơndăp broă lơh do gam là anih lơh uă bơta chài gah lơh sơnơm gơguh jăk dê. Đơs tàm dơ̆ pơrjum, Tổng Ƀí thư ồng Tô Lâm đơs nền: Rơndăp broă lơh do gơdờp mờ lơh mùl màl tơn bơh uă gùng dà broă lơh dờng Đảng, Dà lơgar dê bè bơtàu tơnguh bơta chài – măi mok, bơtàu tơnguh lơh sa cau dùl nă să lơh is, tơnguh broă sền gàr, drơng gàr mờ tơnguh uă bơta pràn kơl dang să jan Làng bol in; mờ pà gŏ broă lơh ngan bơh Càr lơgar dê tàm broă ngui ală kơrnoăt, broă lơh krơi is nàng lơh ală rơndăp broă lơh dờng, kwơ màng, geh gơrềng niam jŏ jòng.