Tàm pơrjum, Mpồl Đơng lam ling klàng càr neh yal ală jơnau lơh nền bơh Ƀộ trưởng Ƀộ Ling klàng bal mờ Mpồl Đơng lam ling klàng bè broă rơndăp tăp sèng wơl, ai geh broă bơyai lơh, khà kwang bàng Mpồl Đơng lam ling klàng kấp sàh; mờ ntrờn, pồ 124 nă sìh quan at gơnoar broă Đơng lam bồ Mpồl Đơng lam ling klàng 124 sàh, sơnah ƀòn, tiah is ồn mờ mờr 500 nă sìh quan, ling klàng at gơnoar broă Phó Đơng lam bồ, Cíñ trị viên phó, dong broă, cau lơh broă.

Broă rơndăp broă lơh niam wơl, khà kwang bàng là jơnau kờñ pal geh tàm broă lơh jăt gơnoar atbồ ƀòn lơgar 2 kấp, nàng bơ̆t bơtàu mpồl ling di pal, pràn, geh cồng nha, đềt mềr mờ làng bol. Mờ sồr mpồl kwang bàng geh pồ mhar kơl jăp broă lơh, rơcang dan, pơgồp bal mờ broă gàr niam dà lơgar lơngăp lơngai ƀòn lơgar.