Bơh ngai 1/12/2025 tus 10/1/2026, ală mpồl ling gơwèt Ƀộ Ling klàng, Ling tiah mờ Gah đơng lam mpồl ling klàng càr neh hòi jà rlau 204 rơbô 600 dơ̆ kwang bàng, cau ling bal mờ mờr 6 rơbô dơ̆ rơndeh rơndồ măi mok trờn rê tàm ală tiah gơtìp gơrềng kơn jơ̆ tiah đah mat tơngai lik càr Dăk Lăk, bơyai lơh 331 mpồl bơt bơtàu mờ 140 mpồl lơh niam wơl, jat nền tơl ù tiah, tơl hìu bơnhă làng bol.

Cồng nha, broă lơh lơh sir bơt bơtàu 331 nơm hìu ai ală hìu bơnhă gơtìp tơrlah tơrlơm jơh, lơh niam wơl 90 nơm hìu ờ diơng kơn jơ̆; mơkung bơsong mờr 63 rơbô 220 thơk gùng lòt rê, bơtơ̆t rbòng dà tàm blàng sre, di tŭ drơng broă lơh sa kàl mrềt prang in. Pơrjum jờng rơ uă ngan nùs nhơm rcang lài, geh kơnòl bơh ală mpồl mờ bơta dùl nùs nhơm kơ̆ mờ ală tiah tàm broă hòi jà tă pơgồp bal priă jền, lam mut lơh broă, gàr niam bơta kơnhăp kơ̆ niam broă lơh bơt bơtàu in.