VOV.K’Ho- Drim òr (07/08), (jat jiơ tiah do dê), tàm tơngume lòt còp kấp Dà lơgar tus lơgar Kộng hoà Angola, tơnơ̆ dơ̆ wă rò kấp Dà lơgar geh bơyai lơh yŭ rơyùm tàm Hìu Kwang atbồ lơgar Angola, Củ tịc lơgar ồng Lương Cường neh geh dơ̆ cribơyai kấp dờng mờ Kwang atbồ lơgar Angola ồng João Manuel Gonçalves Lourenco.

VOV.K'Ho- Ồng Tạ Anh Tuấn, Củ tịc Anih duh broă làng bol càr Dăk Lăk sồr gah broă do pal rơcang lơh “Rơndăp broă bơtàu tơnguh broă bơto càr Dăk Lăk tơngai bơh nam 2025 tus 2030”, tàm hơ̆ sền wơl jơh ală broă gam geh ngui, sơrbì broă lơh gời, wèt tus cồng nha mùl màl.

VOV.K'Ho- Pơrjum geh tơrbŏ bal tus di pơgăp 600 anih pờ bơh ală Sờh Bơto bơtê mờ Bơsram; ală hìu bơdsram đại họk mờ Hìu bơto broă lơh tàm gùt lơgar.

VOV.K'Ho- Ngai òr (07/08), tàm Hà Nội, Cơl dŭ lơh broă Đảng Dà lơgar bơyai lơh Pơrjum dờng cau ala măt Cơl dŭ lơh broă tơngai lơh broă bơh nam 2025 tus 2030. Tổng Ƀí thư ồng Tô Lâm, Tổng Ƀí thư lài do ồng Nông Đức Mạnh mờ Duh broă sùm Ƀan Ƀí thư ồng Trần Cẩm Tú tus bal Pơrjum dờng.

VOV.K’Ho- Tàm gùl ală ƀlàng sre lơh kòi pa lik uă ngan mờ suơn chi tơlir niam tàm ù tiah bềng bơhiàn kăc màng sàh Hồ Đắc Kiện, ƀòn dờng Cần Thơ, geh dùl nă ồng sŏ neh kò jơh lơm mơya nùs nhơm kung gam bềng bơta jơh nùs, hơ̆ là ồng Lê Minh Đuông. Bulah là cau ling sồt să khà 3 bơnah 4, mơya jơh rài kis, ồng sùm di pal mờ jơnau Wa Hồ dê bơto sồr: “Cau ling sồt să bulah să jan ờ pràn mơya kung gam gơtùi lơh broă sơl”.

VOV.K'Ho- Thủ tướng ồng Phạm Minh Chính đơs sùm, gùt lơgar neh lam lơh broă lơh gơnoar atbồ ƀòn lơgar 2 kâp; lơh geh gơguh lơh sa bơh 8,3% mờ rơcang lài drơng wơl mờ broă lơh dia tac blơi phan mờ lơgar ndai bơh lơgar Mỹ dê.

VOV.K'Ho- Nàng drơng niam jơnau kờñ kơnòm bơsram ală kâp lòt jat mè bèp là kwang bàng ntrờn lơh broă tus Dà Làc, Gah bơto bơsram càr Lâm Đồng neh bơt bơtàu broă rơndap lơh pờ tai 7 cơldŭ bơsram ai kơnòm bơsram ală ơdŭ kâp 2 in.

VOV.K'Ho- Thủ tướng Cíñ phủ ồng Phạm Minh Chính đơs nền, ală cồng nha, cồng nha pơnrơ ngan bơh mpồl Kwang àng làng bol neh pơgồp bal kwơ màng tàm broă gàr kơl jăp cíñ trị, bơ̆t bơtàu mpồl bơtiàn ngai sơlơ gơguh jăk, lơngăp lơngai, niam bơnĕ, rài kis Làng bol lơngăp lơngai, gơboh gơbài, hờm ram.

VOV.K'Ho- Dơ̆ lòt còp bơh Củ tịc lơgar ồng Lương Cường dê geh bơyai lơh di tŭ tơngai 2 lơgar tơnkah 50 nam lơh geh bơta gĭt gơ̆p cribơyai broă mờ lơgar ndai.

VOV.K'Ho- Càr neh lơh sir 96 kơnòl broă jat di tŭ tơngai Jơnau lơh nền tàm pơrjum sồ 71 bơh Cíñ phủ dê, mơkung tơmŭt lơh broă lơh ală pơrjum pờ tơlik tơn tàm internet tus jơh gùt 102 sàh, sơnah ƀòn mờ tàm tơrbŏ bal camera jat sền tàm anih tờm sră pơ àr gơnoar atbồ Dà lơgar ală tiah dê.