Tàm 3 ngai, Pơrjum dờng geh 5 jơnau yal cribơyai, 79 dơ̆ jơnau đơs cribơyai, tơrgùm tàm tơn jơh tơngai lơh broă bơh nam 2020 tus nam 2025; sền tìs di bơta đơng lam bơh Mpồl đơng lam khoă yau dê; git nền jơnau kờñ lơh geh, kơnòl broă, broă tam gơl pràn ai tơngai lơh broă pa in; tă pơgồp jơnau đơs tàm sră nggal pơrjum dờng dơ̆ 14 bơh Đảng dê in; ring bal jơnau lơh nền tàm pơrjum mờ tơngume lơh broă.

Ƀí thư Tỉñ ủy càr ồng Nguyễn Đình Trung đơs nền, tơnơ̆ pơrjum dờng, jơh gùt Đảng ƀộ rơp lơh jat jơnau lơh nền tàm pơrjum, tơrgùm tàm 8 mpồl broă lơh, 3 broă tam gơl pràn, sền dờng màng tus bơt bơtàu Đảng, gơnoar atbồ, anih lơh broă cíñ trị kơ̆ kơnhăp, pràn kơldang. Tàm hơ̆, lơh lài bơt bơtàu phan bơna gùng lòt, bơtàu tơnguh lòt nhơl, lơh gơs ală tiah, mpồl tiah lòt nhơl nàng kờñ lơh gơlik bơta gơn kơnờm chồl tơnguh bơtàu tơnguh lơh sa mpồl bơtiàn mờ niam chài càr dê.