Tàm dơ̆ wă, Tổng Ƀí thư ồng Tô Lâm đơs wih đơs wơl, Việt Nam rơ̆p sùm ơm rềp bal mờ lơgar Cuba pơn jăt tai lơh kơnhăp bơta gĭt gơ̆p oh mi niam ngan, tam klăc đềt mềr, dòn song đah Đảng, Dà lơgar mờ làng bol bàr lơgar.

Tổng Ƀí thư ồng Tô Lâm sồr Quôk hội lơgar Cuba pơn jăt tai ai lài dong kờl gĭt gơ̆p lơh broă bal, bơcri bè lơh sa – kă bro phan – bơcri priă, ai tơl bơta ƀươn ai ală rơndăp broă lơh lơh broă bal broă lơh sa sươn sre, năng lượng lơh geh wơl, măy mŏk siñ họk – phan sơnơm tơm ba, drơng geh kwơ ngan ngồn ai broă lơh bơtàu tơngguh bơh jơh bal bàr lơgar dê. Mơkung sồr bàr đah pơgồp bal sơlơ tàm lùp jơnau cribơyai tàm sră pơ àr mờ mờng chài ngan ngồn tàm rài kis, is ồn tàm bơta Việt Nam bơyai lơh Pơrjum dờng Đảng gùt lơgar dơ̆ XIV mờ Cuba bơyai lơh Pơrjum dờng Đảng gùt lơgar dơ̆ IX tàm nam 2026.