Tàm pơrjum, Mpồl rơndap broă Tỉñ ủy càr Khánh Hòa neh yal jơnau lơh nền sồr ồng Trần Minh Thái, Ƀí thư Đảng ủy sơnah ƀòn Bảo An mut tàm Mpồl đơng lam, Mpồl Lơh kơnòl broă sùm mờ at gơnoar broă Ƀí thư Đảng ủy sàh Vĩnh Hải, tơngai lơh broă bơh nam 2025 tus nam 2030. Ồng Hồ Xuân Ninh, Kwang lam bồ Sờh Lơh sa mờ măi mok mờ kă bro phan hờ lơgar ndai at gơnoar broă Ƀí thư Đảng ủy sàh Ninh Sơn. Ồng Trần Văn Thống, Phó Lam bồ Mpồl rơndap broă Tỉñ ủy càr at gơnoar broă Ƀí thư Tỉñ ủy càr Khánh Hòa, nting bơr gờm chờ ală kwang bàng geh ntrờn, sồr pồ at gơnoar broă mờ kung đơs sùm do là ală cau neh geh sac rơ wah nền nòn, di mờ jơnau sồr kơnòl broă. Ồng sồr ală kwang bàng mhar sơn đờm lơh kơnòl broă pa, gơ jat bal mờ lơh jat Jơnau lơh nền tàm Pơrjum dờng Đảng ƀộ càr Khánh Hòa dơ̆ 1, tơngai lơh broă bơh nam 2025 tus nam 2030; ngui niam pràn jak, mờng chài, tam gơl pa broă lơh nàng lơh gơs niam ală kơnòl broă tàm nam 2025 mờ ală nam pơn jat tai.