Đơs mut lơh ngai chờ, Tổng Ƀí thư đơs sùm, dunia gam tam gơl mờ bơta mhar ờ hềt geh bơh lài tus tŭ do bơh bồ tơngoh jak kòn bơnus lơh gơs, jơnau yal tơnggit dờng, măi mok siñ họk, năng lượng sàng goh, phan bơna pa. Việt Nam pal sền jak chài – măi mok, tam gơl pa bơceh lơh mờ tam gơl sồ là bơta gơn kơnờm tờm nàng tam gơl pa broă lơh bơtàu tơnguh. Tổng Ƀí thư sồr mhar lam lơh broă lơh bơtàu tơnguh 11 măi mok kuơmàng jat Jơnau lơh nền tàm pơrjum sồ 57, kuơmàng là ală gah ƀán zẫn, AI, jơnau yal tơnggit dờng, lơngăp lơngai tàm internet, sền gàr jơnau tơnggit, măi mok siñ họk, phan bơna pa, năng lượng pa, điện tử, đal git bơta tam gơl, robot. Ală hìu bơsram đại họk, anih kơlôi sơnơng kờñ pal lơh pràn tàm jàu măi mok, dong kờl mpồl kơlôi sơnơng crơng gơs mpồl lơh sa kă bro, lơh gơs kă bro phan bơna nàng kờñ lơh gơs rài mpồl lơh sa kă bro măi mok gơguh lơh sa mhar, pơgồp bơnah ai Việt Nam bơtàu tơnguh pràn kơldang tàm rài măi mok sồ.