VOV4.K’Ho- Mpồl Anih duh broă Gùng dà broă lơh Lơh broă mờ lơgar ndai Quôk hội lơgar Đan Mạch dê bơh ồng Michael Aastrup Jensen- Kong kơnòl Anih duh broă lam bồ, gam còp ngan ngồn lơgar Việt Nam bơh ngai 03 tus ngai 06/03 nam 2025.

VOV4.K’Ho- “Sơrbăc mhar pồ tơl mpồl kwang bàng mờ đơng lam lơh broă kơ̆ kơl jăp, geh cồng nha, gơlòt sùm”- Do là jơnau sồr geh Ƀộ trưởng Ƀộ Priă jền dê sồr tàm Pơrjum yal Jơnau lơh nền Cíñ phủ dê cih gơnoar broă, kơnòl broă, gơnăp gơnoar mờ rơndăp mpồl kwang bàng mpồl lơh broă Ƀộ Priă jền dê.

VOV4.K’Ho- Wèt tus tơngkah kir sơnrai 50 nam tơngklàs jơh gùt tiah đah Jum, dà lơgar tơrgùm dùl, mho ngai 03/03, Anih Kơlôi sơnơng mờ Bơsram Cíñ trị- Ƀộ Ling klàng pơgồp bal mờ Anih duh broă Làng bol càr Dăk Nông bơyai lơh Pơrjum cribơyai jak chài “Tam lơh pha lin Đức Lập- Nggùl rài sền wơl” mờ bơta tus bal bơh uă cau gĭt wă jrô, cau jak chài jơnau kah yau, ală cau lơh cơng jơnau kah yau.

VOV4.K’Ho- Là sàh geh 75% làng bol ơm kis là làng bol jơi bơtiàn dồ êt nă cau, bal mờ broă bơ̆t bơtàu, bơtàu tơngguh đảng viên, lơh kơ̆ kơl jăp ală anih lơh broă cíñ trị ngai sơlơ kơnhăp pràn, ală nam do, Đảng ƀộ sàh Đinh Trang Thượng, kơnhoàl Di Linh, càr Lâm Đồng neh lòt bal mờ làng bol tàm bơtàu tơngguh lơh sa mờ rài kis. Lài mờ dơ̆ bơyai lơh Pơrjum dờng Đảng ală kâp wèt tus Pơrjum dờng jơh gùt lơgar dơ̆ XIV Đảng dê, ală đảng viên tiah do pơn jăt tai lơh jăt niam gơnoar broă lam lài lơh krơh, jơh nùs lơh ngan lơh jăt geh cồng nha ală jơnau kờñ lơh sa- mpồl bơtiàn, bơ̆t bơtàu ƀòn lơgar hờm ram.

VOV4.K'Ho- Mho òr (03/03), Anih duh broă Làng bol càr Gia Lai bơyai lơh pơrjum yal ală jơnau lơh nền pồ kwang bàng đơng lam sờh, gah lơh broă tơrnơ̆ tơrmù, tơrgùm mpồl kwang bàng lơh broă.

VOV4.K'Ho- Drim òr (03/03), Mpồl sền swì sồ 1923 geh Phó Thủ tướng Duh broă sùm Cíñ phủ ồng Nguyễn Hoà Bình lam bồ neh yal jơnau lơh nền sền swì bơh Ƀộ Cíñ trị, Mpồl duh broă Đảng Dà lơgar nam 2025 dê gơwèt mờ Mpồl lơh kơnòl broă sùm Tỉñ ủy càr Lâm Đồng.

VOV4.K'Ho- Drim òr (03/03), tàm Hà Nội, Mpồl Gùng dà broă lơh, Broă rơndăp lơh Dà lơgar bơyai lơh Pơrjum lơh jăt jơnau lơh nền bơh Ƀộ Cíñ trị, Mpồl đơng lam Đảng Dà lơgar dê bè broă kwang bàng.

VOV4.K’Ho- Ƀộ Cíñ trị lơh nền lơh jat ờ duh pal tă priă bơsram ai kơnòm bơsram bơh kấp mầm non tus jơh bơsram kấp pe Dà lơgar tàm jơh gùt lơgar. Tơngai lơh jat bơh bồ nam bơsram pa 2025-2026 (hơ̆ là bơh nhai 9 nam 2025 tus do). Uă mè bèp tơngŏ bơta chờ hờp mờ broă lơh pa do, tài bơh rơ̆p dong bơnah lơi dong tơrmù ƀà priă tă bơsram ai oh kòn he in, is ồn là gơwèt mờ ală hìu bơnhă tàm tiah ƀòn lơgar, tiah kơh bơnơm, rài kis lơh sa- mpồl bơtiàn gam kal ke.

VOV4.K’Ho- Ngai 03 nhai 03, Thủ tướng ồng Phạm Minh Chính đơng lam pơrjum bè broă lơh rcang ai Cribơyai Lơh sa câu Á - Thái Bình Dương nam 2027 tàm ƀòn dờng Phú Quốc, càr Kiên Giang.

VOV4.K’Ho- Mho ngai 02/03, Thủ tướng ồng Phạm Minh Chính đơng lam dơ̆ Tìp măt cribơyai mờ ală mpồl lơh sa kă bro câu Âu dê.