Jơh gùt tŭ tơngai ai lơh broă tơrlòng lài geh jat sền nền nòn ngan, pờ tơlik tơn tus ală anih tàm tơrbŏ bal pờ tơlik tàm internet tờm ngan nàng Duh broă sùm Tỉñ ủy càr Lâm Đồng, Bình Thuận mờ Dăk Nông in jat sền. Tŭ tơngai ai lơh broă tơrlòng lài bơh sơn rờp neh lơh jat jơnau sồr geh ai tơlik. Ồng Y Thanh Hà Niê Kđăm, Ƀí thư Tỉñ ủy càr Lâm Đồng đơs nền, broă ală mpồl lơh broă sră pơ àr gơnoar atbồ kâp sàh lơh broă tơrlòng lài ờ mìng là broă lơh sơn rờp bè jak chài nàng lơh kwèng mờ broă lơh pa, mờ gam là tŭ niam ngan ngồn nàng ală anih lơh broă, mpồl lơh broă, ală tiah in rơcang lài lơh sir mpồl cau lơh broă mờ mpồl lơh broă. Do kung là jơnau sền sơ wì pràn jak đơng lam bồ, pơgồp bal đah ală cơldŭ, mpồl, kwang đơng lam bồ kâp sàh pa. Ală kòl yan, bơta kwi kwơ pal geh bơsong jal mhar lài mờ tŭ jơh 124 sàh, sơnah ƀòn, tiah is ồn ngan ngồn lơh broă.

Mho ngai 23/06, sơnah ƀòn Đah jum Gia Nghĩa, ƀòn dờng Gia Nghĩa, càr Dăk Nông neh sơnđờm lơh broă tơrlòng lài. Ală sră nggal gơrềng tus ù tiah, sền gàr adăt boh lam, rài kis cau tàm hìu bơnhă…neh geh dờp mờ bơsong wil tơl ai làng bol in, pà gŏ bơta crăp rơcăng mờ jơh nùs bơh mpồl lơh broă pa dê. Sơnah ƀòn Đah jum Gia Nghĩa geh tơnggơs jăt tàm bơnàng jă tơmŭt bal sơnah ƀòn Nghĩa Phú, sơnah ƀòn Nghĩa Tân mờ sàh Dăk R’Moan, ƀòn dờng Gia Nghĩa, càr Dăk Nông. Broă lơh tơrlòng lài sơnah ƀòn pa geh ală mpồl: Cơldŭ lơh broă, Cơldŭ Lơh sa- Phan bơna tiah drà, Cơldŭ Niam chài- Mpồl bơtiàn mờ Anih tờm Sră pơ àr gơnoar ătbồ dà lơgar, bal mờ ală mpồl lơh broă dà lơgar bơh ală ƀòn lơgar tơmŭt bal. Kờp jơh cau lơh broă sa priă nhai dà lơgar là 120 nă. Tàm ngai lơh tơrlòng tơrlòng lài, jơh ală sră nggal làng bol mờ mpồl lơh sa kă bro dê ndrờm neh geh bơsong niam ngan.