Gơ ơm tàm gơl gùng lòt nhơl dà lềng Phan Thiết – Mũi Né – Bàu Trắng – Cổ Thạch, kwơ̆ Pô Sah Inư tàm bơnơm Bà Nài (sơnah ƀòn Phú Thủy, càr Lâm Đồng – gơwèt càr Bình Thuận yau) gam gơ hòi gơ jà uă ngan năc lòt nhơl tàm kàl prang. Kờp bal pah ngai tiah tus do wă bơh 900 tus 1 rơbô 200 dơ̆ năc tàm lơgar mờ bơdìh lơgar. Bơh bồ nam tus tŭ do, neh geh mờr 75 rơbô dơ̆ năc tus sền kwơ̆ Pô Sah Inư, càr Lâm Đồng.

Nàng tơnguh uă bơta sền gĭt, Mpồl atbồ tiah tềl lời wơl pơgồp bal mờ Mpồl đơs crih tam ya ờs mờng kòn cau Prum ràng tơlik đơs crih tam ya ờs mờng nàng drơng năc lòt nhơl. Bơta tàm pơgồp bal đah ù tiah dờng niam, phan lơh bơh yau mờ gùng đơs crih tam ya bơh yau neh lơh geh bơta gơ hòi gơ jà is ồn ngan. Mìng is tàm nhai 6, tiah Bình Thuận yau wă rlau 1 tơlak dơ̆ năc. Kờp jơh 6 nhai bồ nam 2025, tiah do wă rlau 5 tơlak 500 rơbô dơ̆ năc, gơguh mờr 20% pơndrờm dùl tŭ bal mờ nam lài; priă lơh geh lòt nhơl rlau 15 rơbô tơmàn đong.