Tơnơ̆ tŭ tơmŭt bal, broă lơh bơto bơtê jơh gùt càr geh rlau 1 rơbô 370 hìu bơsram, drơng rlau 700 rơbô nă kơnòm bơsram, cau bơsram mờ rlau 38 rơbô 400 nă kwang bàng, cau pơgru. Nam bơsram do, càr lơh geh uă cồng nha niam ngan: 99,9% kơnòm 6 sơnơm mut ơdŭ 1; 99,7% kơnòm bơsram jơh bơsram kấp 1; jơh bơsram kấp bàr lơh geh 98,46%.

Mut tàm nam bơsram pa, gah bơto bơtê tơrgùm tàm 10 kơnòl broă tờm: tơnguh uă cồng nha bơto bơtê mpồl cau pơgru dê; tam gơl pa broă lơh, sră măi; sơlơ tơnguh tai bơto bơtê cíñ trị, bồ tơngoh, nùs nhơm, bơta chài ngui sồ; lơh pràn tam gơl sồ; sơlơ tơnguh tai bơto bơtê kấp 1; tơn jơh bơta ờ gĭt akhar; sơlơ tơnguh phan bơna tàm tiah kal ke; tam gơl pa lòt sền, sền sơ wì; hòi jà mpồl bơtiàn lơh bal bơt bơtàu hìu bơsram tơl jơnau sồr; gàr niam lơngăp lơngai hìu bơsram mờ lơh gơ rề uă srơh tàm pơrlòng, bơt bơtàu tiah bơto bơtê bơceh lơh, duh rơngòt kơrnoat boh lam.