Drim ngai 26/8, tàm Hà Nội, Thủ tướng Cíñ phủ ồng Phạm Minh Chính đơng lam pơrjum tơn jơh broă lơh mờ srơh tàm pơrlòng “Gùt lơgar at tê bal tơn jơh hìu ing, hìu ồm sèt nhăt dà mìu”. Tus tŭ do, gùt lơgar neh tơn jơh rlau 334 rbô nơm hìu ing, hìu ồm sèt nhăt dà mìu, hìu ờ kơ̆ jat jơnau sồr 3 kơldang; mờr 50 rbô tơmàn đong geh ngui tàm broă lơh, tàm hơ̆ priă hòi jà tă pơgồp geh là 24 rbô tơmàn đong. 

Thủ tướng ai lơh chờ hờp ngan tŭ Việt Nam neh lơh gơs jơnau kờñ tơn jơh hìu ing, hìu ồm sèt nhăt dà mìu tàm gùt lơgar”, là cồng nha pơn rơ ngan, ngan ngồn gờm chờ tơngkah 80 nam Kac màng nhai 8, Sơntờm dà lơgar 02/9. Bulah bè hơ̆, jat Thủ tướng đơs, do mìng rơp là bơnàng jă bơh chờm nàng “iang nùs ơm kis”, tơngai tus, ală ƀộ, gah broă lơh, ală tiah kờñ pal geh broă lơh tam gơl pràn dong kờl nàng ală hìu bơnhă do in iang nùs lơh broă, pơnđơl tus nam 2030, Việt Nam ờ gam hìu bơnhă rƀah tai. Bơdìh mờ iang nùs nhơm kis den pal iang nùs lơh broă, ai geh broă lơh làng bol in.