Jat jơnau yal, mìu càl rbut dờng neh lơh 3 nă cau chơt, 10 nă cau gơtìp sồt să, rlau 6 rbô 800 nơm hìu gơtìp pồ rơkàng, ờ diơng, mìu dà kŏ dà cò lơh gơbàn ngơr bam 28 rbô 814 lồ kòi mờ 2 rbô 221 lồ phan tam lơyah ngai.

Phó Thủ tướng cih dờp bơta lơh broă kràñ cê, di tŭ bơh ală càr Nghệ An, Thanh Hóa, Hà Tĩnh dê, mờ kung sồr ală càr Thanh Hóa, Hà Tĩnh, Quảng Trị, Thừa Thiên Huế sền sơ wì wơl bơta rơcang gàr, ngan là ală bơtơt kìng dà nàng tơnguh bơta crăp rơcang tềng đap trồ tiah lơh aniai. Bè bơsong jơnau gơ lời wơl, Phó Thủ tướng sồr pơn jat tai ai mpồl ling, kwang àng dong kờl làng bol, dong lài ală hìu bơsram, hìu sơnơm, hìu bơnhă rƀah mờ hìu bơnhă dờp bơta dong kờl bơh mpồl bơtiàn dê. Ồng đơs sùm kờñ pal mhar lơh wơl broă bơto bơsram, sền gàr pràn kơldang să jan, gàr kơ̆ rài kis làng bol in tơnơ̆ mìu càl rbut dờng.