Thủ tướng đơs loh, tơrgùm bal neh gơs bơta pràn kwơ màng tơnguh bơta pràn tàm dơlam is, drơng broă bơtàu tơnguh dà lơgar. Kờp jơh khà priă tăc phan mờ lơgar bơdìh 7 nhai nam do geh rơlao 514 tơmàn dolar Mỹ; priă bơcri tơn bơh lơgar bơdìh (FDI) dan cih măt mờ lơh geh 24 tơmàn dolar Mỹ, ai lơgar Việt Nam tàm mpồl 15 lơgar gam bơtàu tơnguh hòi jà FDI uă ngan tàm dunia dê.

Tơrgùm bal kung lơh pràn broă lơh gơs gùng dà broă lơh tàm lơgar, mùl màl jơh ală jơnau hơ bơh ală lơgar dê, tơnguh uă bơngă bal mờ jơnau đơs lơgar Việt Nam dê tàm broă lơh ală lơgar. Thủ tướng sồr mhar lơh Jơnau lơh nền tàm pơrjum bơh Quốk hội dê bè gùng dà broă lơh kwơ màng tàm broă tơrgùm bal; tơrgùm bơsong tiah gơkòl bè gùng dà broă lơh, ai geh bơta pràn nàng tơrgùm bal ală lơgar mùl màl gơs bơta pràn bơtàu tơnguh.