Đơs tàm pơrjum, Thủ tướng ồng Phạm Minh Chính đơs sùm, broă bơyai lơh Ràng tơlik cồng nha lơh sa- mpồl bơtiàn di tơnkah 80 nam Ngai Sơntờm Dà lơgar là broă dờng, kal ke, lơh geh bơta gơdờp lơh gơrề uă cồng nha lơh geh 80 nam do bơh dà lơgar dê tus mờ gơ̆p bơyô ală lơgar, làng bol, tơnguh tai nùs nhơm pơnyờ să jơi bơtiàn mŭt tàm rài pa, rài brồ să bơh jơi bơtiàn bơtàu tơnguh jak chài, pas gơs, làng bol hờm ram, gơboh gơbài.

Bơh jơnau yal, Thủ tướng đơs broă geh rơcang nền nòn, mơya kờñ pal lơh ngan rơlao tai bal mờ nùs nhơm jơh nùs pal uă, lơh ngan pal dờng, lơh broă pal kràñ cê jơh nùs. Thủ tướng ai gĭt pal lơh tơngŏ geh ală tŭ lơh jăt 2 kơnòl broă jŏ jòng sền gàr mờ bơ̆t bơtàu dà lơgar; lơh gơlik bơta gơn kơnờm, ai geh nùs nhơm gơdan nàng dà lơgar mŭt tàm rài pa; làng bol geh dờp cồng nha lơh geh do bè đah nùs nhơm gơboh dà lơgar.