Jat broă rơndăp lơh, ală sơnah ƀòn Pleiku, Hội Phú, Diên Hồng, Thống Nhất bal mờ sàh Đak Đoa rơ̆p lơh tơrlòng lài broă lơh sră nggal lơh hộ tịc mờ dờp ngui ù. Tàm tŭ hơ̆ ală sàh Gào, Biển Hồ, Chư Pưh, Chư Păh bal mờ sơnah ƀòn An Phú rơ̆p lơh tơrlòng lài broă lơh dan gơnoar ngui ù.

Broă lơh tơrlòng là rơ̆p geh bơyai lơh tàm ngai 25/06 do. Jat jơnau pơn yơu geh càr Bình Ƀịnh lơh; kwang bàng càr Gia Lai dờp tơn sră nggal tàm ƀòn lơgar, ai kwang bàng 10 sàh càr Bình Định pơgồp bal sền sơ wì, ring bal cồng nha tàm măi mok. Broă lơh tơrlòng lài sơnđờm bơh 2 jiơ mho, tơn jơh bơsong tàm 3 jiơ mho dồ ngai bal. Tơnơ̆ dơ̆ tơrlòng lài, 2 càr rơ̆p pơrjum ai tơlik mờng chài rơ̆ ru, tam gơl niam, lơh sir broă lơh. Sơnđờm bơh ngai 1/07, jơh gùt ală sàh, sơnah ƀòn tàm ù tiah càr Gia Lai dê rơ̆p ngan ngồn lơh broă bơsong sră nggal gơnoar atbồ jat broă lơh pa.