
Jăt Tỉñ ủy càr Kon Tum yal, tus tŭ do ală kấp ủy, anih lơh broă, mpồl lơh broă, ală tiah tàm càr neh lơh gơs ală tơngu me geh đơs tàm ală Jơnau đơs pơn dŭt bơh Ƀộ Cíñ trị, Ƀan Ƀí thư dê bè broă rơndăp tăp sèng wơl mpồl lơh broă sră nggal ală kấp; lơh geh broă rơndăp lơh gơnoar atbồ ƀòn lơgar 2 kấp.

Tàm dơ̆ tìp măt kwang đơng lam tờm 40 sàh, sơnah ƀòn pa, Ƀí thư Tỉñ ủy càr Kon Tum ồng Dương Văn Trang đơs nền, broă ntrờn, tam pà anih lơh broă kwang bàng lơh broă đơng lam bồ tờm ală sàh, sơnah ƀòn pa geh Mpồl Lơh kơnòl broă sùm Tỉñ ủy kơlôi sơnơng nền nòn, rơwah geh bơh tàm tơnguh me geh ai, khà broă di pal song dơ pă, lơh tờm. Broă rơwah kwang bàng at gơnoar broă đơng lam bồ tờm kung tài jơnau kờñ bal ai bơta bơtàu tơnguh sàh, sơnah ƀòn dê. Ƀí thư Tỉñ ủy càr Kon Tum ồng Dương Văn Trang kơ̆p kờñ, ală kwang đơng lam bồ tờm 40 sàh, sơnah ƀòn tàm gơnoar broă geh jào đơng lam, lam lơh, atbồ nàng sàh, sơnah ƀòn bơtàu tơnguh.
Viết bình luận