VOV4.K'Ho- Àng drim gờñ ngai do (21/01) jăt jơ lơgar Việt Nam dê, rơndeh par pơn diang Thủ tướng Cíñ phủ ồng Phạm Minh Chính bal mờ Pơ-ùr mờ mpồl kwang bàng ala măt kấp dờng lơgar Việt Nam tus ƀòn dờng Zurich sơn đờm tus Pơrjum WEF (Cri bơyai lơh sa dunia) mờ lơh broă tàm lơgar Thụy Sĩ.

VOV4.K'Ho- Mho òr (20/01), tàm Hìu lơh broă Đảng Dà lơgar, Tổng Ƀí thư ồng Tô Lâm, Kwang lam bồ Sồr lơh Dà lơgar bè bơtàu tơnguh măi mok pa, tam gơl bơceh lơh mờ tam gơl sồ đơng lam pơrjum dơ̆ sơnrờp bơh Mpồl sồr lơh nàng lơh jăt kơnòl tàm tơngai tus.

VOV4.K'Ho- Drim òr (20/01), Ƀộ Cíñ trị, Ƀan Ƀí thư tìp măt ală kwang đơng lam bồ, kwang đơng lam bồ lài do Đảng, Dà lơgar lài do dê, Mặt trận Dà lơgar Việt Nam, Kwang geh jơng tàm Đảng Dà lơgar ală tơngai lơh broă di tơnkah 95 nam Ngai crơng gơs Đảng mờ chờ gờm Satềp nam pa Ất Tỵ.

VOV4.K’Ho- Anih duh broă Jơi bơtiàn pa bơyai lơh pơrjum pờ tơlik tàm internet gùt lơgar tơn jơh broă lơh jơi bơtiàn nam 2024 mờ lam lơh kơnòl broă nam 2025. Phó Thủ tướng Duh broă sùm Cíñ phủ ồng Nguyễn Hoà Bình đơs nền, broă lơh jơi bơtiàn mờ broă dong kờl jơi bơtiàn sùm geh Đảng mờ Dà lơgar sền gròi bơh broă lơh jơnau kờñ Dà lơgar neh lòt mut tàm rài kis jơi bơtiàn dồ ết nă cau mờ tiah kơh bơnơm dê.

VOV4.K’Ho-Tàm broă lơh lòt còp ngan ngồn lơgar Kộng hoà Czech, tàm càr lơgar Praha, Thủ tướng ồng Phạm Minh Chính neh tus còp, pơndờm pơnđiang mpồl bơtiàn cau Việt Nam tàm Anih tờm Kă bro phan Sapa.

VOV4.K’Ho- Lam lơh tơrmù mpồl lơh broă jat gùng dà broă lơh bơh Dà lơgar dê, 6 Phó Kwang Lam bồ ală sở tàm càr Dăk Nông neh lơh sră dan rê rlô lơh broă lài mờ sơnam ai rê rlô.

VOV4.K’Ho- Mang òr (19/01), tàm Anih tờm pơrjum Dà lơgar, Hà Nội, Củ tịc lơgar ồng Lương Cường mờ pơ ùr neh tus bal Broă lơh đơs crih tam ya Nam pa Ƀòn lơgar tờm 2025 mờ tơngume “Việt Nam- brồ guh tàm rài pa”.

VOV4.K’Ho- Ngai òr (19/01), Thượng tướng ồng Trần Quang Phương, Phó Củ tịc Quôk hội neh còp, pà phan Sa tềp ai cau lơh broă mờ kwang bàng, cau ling, làng bol kơnhoàl tiah nhàr lơgar Ea Súp, càr Dăk Lăk dê in.

VOV4.K’Ho- Pơn jăt tai ală broă lơh tàm dơ̆ lòt còp ngan ngồn tus lơgar Kộng hoà Czech, mang ngai 19/01, tàm càr lơgar Praha, Thủ tướng ồng Phạm Minh Chính neh tus bal broă lơh Sơnam pa Ƀòn tờm 2025 mờ nting bơr chờ gờm Sa tềp mpồl bơtiàn cau Việt Nam tàm lơgar Czech.

VOV4.K’Ho- Nam 2024, làng bol kơnhoàl tiah nhàr lơgar Dăk Mil, càr Dăk Nông neh blơi rlau 1 rbô nơm rơndeh ô tô ală bơta kơnờm bơh phan lơh geh bơh sươn sre giă gơguh uă.