Bơh tơrgùm ing, sền bal uă ngan ală jơnau đơs ring bal mờ ai gŏ bơta ring bal uă mờ bơta pal geh bè khà mờ tơngume tam gơl Sơnua boh lam nam 2013. Tơngume dờp geh uă jơnau đơs tă pơgồp bơh ală kwang bàng dê là jơnau cih tàm Sèng 1, bơta 1 jơnau rơcang cih jơnau lơh nền tàm pơrjum tam gơl, bơtơl sèng 2, bơta 115 bơh Sơnua boh lam nam 2013 dê: Sang tĕ gơnoar lùp bơh cau ala mat Mpồl duh broă làng bol dê gơ wèt mờ Kwang lam bồ Anih cah rơña làng bol, Kwang lam bồ Anih Sền swì jăt sền làng bol.

Gơ wèt mờ Jơnau rơcang cih Adat rơndap broă gơnoar atbồ kâp hơ đơm tam gơl, ală kwang bàng ring bal mờ uă tơngume bơh jơnau rơcang cih adat boh lam dê, mơya đơs là, pal pơn jat tai kờp sền, tam gơl ală jơnau cih bè kơnòl, gơnăp gơnoar mùl màl bơh Mpồl duh broă làng bol, Anih duh broă làng bol, Củ tịc Anih duh broă làng bol nàng lơh loh rlau tai jơnau lơh nền sơlơ lơh pràn tam pà kâp, tam pà gơnoar, gàr niam bơta tam pà dồ bă dipal kơnòl broă, gơnăp gơnoar bơh gơnoar atbồ kâp càr, kâp sàh dê.