Đơs tàm dơ̆ bơyai lơh, Phó giáo sư – Tiến sìh mò Phan Thị Hồng Xuân, Củ tịc Mpồl git gơp lơh bơyô Việt Nam – tiah đah jum mat tơngai lik câu Á ƀòn dờng Hồ Chí Minh đơs nền bơta git gơp 2 gah ngai sơlơ bơtàu tơnguh tơl làm mờ ngan ngồn kờp bơh tŭ 2 lơgar tơnguh bơta git gơp gơ gơs lơgar lơh broă bal jŏ jòng. 

Nam 2023, priă lơh geh bơh kă bro phan đah 2 gah geh rlau 7 tơmàn 800 tơlak dolar Mỹ, gơguh mờr 70% pơndrờm dùl tŭ bal mờ nam 2015. Việt Nam pơn jat tai at gơnoar broă là lơgar tac phe uă ngan rlau jơh ai Philippines in, pơgồp bơnah gàr tơl kòi phe tiah do in. Mò Phan Thị Hồng Xuân pà git, lơh broă bal ling klàng – sền gàr lơngăp lơngai đah 2 lơgar ngai sơlơ geh gàr kơ̆ mờ broă lơh lòt sền bal tàm dà lềng, bal mờ ală broă lơh tìp mat lơh kwèng làng bol, bơto bơtê mờ niam chài ngai sơlơ pờ ơnàng.