Cau pơgru dờng- Tiến sìh ồng Nguyễn Xuân Thắng, Kwang lam bồ Hìu bơsram kơlôi sơnơng Cíñ trị Dà lơgar Hồ Chí Minh, Củ tịc Mpồl Duh broă Lý luận Dà lơgar tus bal mờ đơs sồr lơh tàm Pơrjum dờng. Phó Củ tịc lơgar mò Võ Thị Ánh Xuân- Phó Củ tịc dơ̆ 1 Mpồl duh broă pơrlòng pà khà jờng Dà lơgar; bal mờ 193 nă cau ala mat là ală cau pơn rơ gơguh jak tàm srơh tàm pơrlòng kờñ gơboh Dà lơgar tơngai bơh nam 2020-2025 bơh Hìu bơsram kơlôi sơnơng dê mờ ală hìu bơsram cíñ trị càr, ƀòn dờng gơwèt Dà lơgar tus bal Pơrjum dờng.

Đơs sồr lơh mờ lam lơh srơh tàm pơrlòng tơngai bơh nam 2025 – 2030, Cau Pơgru dờng- Tiến sìh ồng Nguyễn Xuân Thắng sồr: nàng lơh niam ală kơnòl broă cíñ trị geh jàu, sồr ală mpồl cau, cau dồ nă să gơwèt Hìu bơsram kơlôi sơnơng kung bè ală hìu bơsram cíñ trị càr, ƀòn dờng gơwèt Dà lơgar pal pơn jat tai đòm jat niam bơhiàn tàm pơrlòng kờñ gơboh Dà lơgar, bơta pràn tam klăc mpồl bal mờ gùng dà broă lơh “Tam klăc- làng bol lơh tờm- duh rơngòt kơrnoat boh lam- Tam gơl pràn- bơtàu tơnguh” lơh jat niam srơh “Tàm pơrlòng tam klăc  bal, tam gơl pa bơceh lơh ai Hìu bơsram kơlôi sơnơng Cíñ trị Dà lơgar Hồ Chí Minh bal mờ jơh gùt lơgar mut tàm rài pa”.