Jàu khà jờng “Ƀòn dờng khin cha jak chài” ai ƀòn dờng Hải Phòng in mờ đơs tàm dơ̆ bơyai lơh tơngkah, ala mat kwang đơng lam bồ Đảng, Dà lơgar, Củ tịc lơgar ồng Lương Cường nting bơr gờm chờ, jờng rơ ală cồng nha lơh geh mờ ală tă pơgồp dờng màng tàm broă lơh tam lơh ai lơngap lơngai is jơi bơtiàn dê; kung bè tàm broă lơh tam gơl pa, bơt bơtàu, bơtàu tơnguh dà lơgar mờ sền gàr kơ̆ dà lơgar Việt Nam sàh hội củ nghĩa bơh Đảng ƀộ, gơnoar atbồ, làng bol mờ mpồl phàu crong ƀòn dờng Hải Phòng tàm 70 nam do. 

Củ tịc lơgar ồng Lương Cường pin dờn, mờ bơhiàn kah yau khin cha jak chài, ală cồng nha mờ mờng chài kuơmàng tơnơ̆ 70 nam tơngklàs, đảng ƀộ, gơnoar atbồ, ling klàng mờ làng bol ƀòn dờng Hải Phòng rơp pơn jat tai tam klac, sơrlèt gan tơl bơta kal ke, bơta lòng, tơrgùm bơt bơtàu ƀòn dờng bơtàu tơnguh mhar, kơ̆ kơljap, bơtàu tơnguh, pas sơm, niam bơnĕ, gơguh jak mờ đềt mềr, làng bol geh rài kis hờm ram, chờ hờp.