Đơs pơndŭt pơrjum, Thủ tướng ồng Phạm Minh Chính sồr tơrgùm pờ dơ̆ tam dră uă ngan, jòi kŭp, kơryan, tơn rŭc kă bro phan tìs mờ kơrnoat boh lam, pơrlồm kă bro phan, lơh gơlik tăc bro phan ờ ngan, phan bơna ờ gĭt tiah tờm lơh gơlik, lơh tìs sền gàr geh ngui bồ tơngoh jak geh bơyai lơh bơh ngai 15/05 tus ngai 15/06.

Thủ tướng sồr Ƀộ Broă dơlam is kờp sền gơnoăr broă, kơnòl broă bơh ală Ƀộ, gah broă ờ gŏ di lời “Thoàr adat boh lam” tàm tơngai rơndăp tăp sèng, tơrmù di pal mpồl lơh broă gơ lam tus bơta ờ pràn atbồ geh gơrềng tus rcang lài kơryan cau lơh tìs, gơ rềng tus kă bro phan tìs mờ kơrnoat boh lam, phan ờ ngan, pơrlồm kă bro phan. Ƀộ Kwang àng sồr ală mpồl lơh broă ờs mờng, kwang àng ală tiah lơh broă mìng dùl kơnòl broă, lơh mhar tŭ tơngai yă cah rơña ală dơ̆ lơh tìs, di tŭ yal tàm ală gah yal tơngĭt jơnau mpồl bơtiàn in nàng di tŭ bơklơn mờ rcang gàr lài.