Lơh sa mpồl bơtiàn càr Dăk Lăk tàm nhai 4 mờ 4 nhai bồ nam 2025 pơn jăt tai gơguh kơl jăp, uă jơnau kờñ lơh geh cồng nha niam, ai geh bơnàng jă kơl jăp ai broă lơh gơs jơnau kờñ bơtàu tơnguh gùt nam dê. Jơnau yal do geh ai tơlik tàm pơrjum bè ờs nhai 4 bơh Anih duh broă làng bol càr Dăk Lăk dê bơyai lơh drim òr (13/05).

Dùl tàm ală bơta niam geh pơnrơ ngan là lơh sa mờ măi mok gơguh pràn, mờ khà gơguh bơh gùt gah do dê tàm nhai 4 gơguh rơlao 12% pơn drờm mờ tŭ do nam lài, is ồn ngan lơh sa mờ măi mok lơh gơs phan, lơh phan gơguh mờr 17%. Ală gah phan tờm bè kơphe, lòs, bièr, năng lượng pơn jăt tai lơh broă kơl jăp. Lơh sa suơn sre, brê bơnơm mờ phan tàm dà pơn jăt tai kơl jăp niam. Ồng Nguyễn Thiên Văn, atbồ ing Củ tịc Anih duh broă làng bol càr Dăk Lăk đơs nền, ală kấp, gah lơh broă, pal tơrgùm bơsong ală kal ke tàm broă lơh, lơh pràn broă bơcri priă dà lơgar, lơh niam sră nggal mờ dong kờl mpồl lơh sa kă bro, nàng gàr niam broă lơh gơs jơnau kờñ bơtàu tơnguh lơh sa mpồl bơtiàn nam 2025 dê.