Jat broă lơh pơrjum, drim ngai 15/5, Quôk hội cribơyai tàm hìu pơrjum bè Rơndăp broă lơh Adat Năng lượng nguyên tử (tam gơl). Adat Năng lượng nguyên tử geh ai lơh jat nam 2008, tơnơ̆ 17 nam lơh jat neh tơngŏ geh uă bơta ờ niam, ờ lơh geh jơnau kờñ ngan ngồn bơtàu tơnguh Dà lơgar tŭ do dê, ờ hềt tơngŏ tơl làm ală bơta kơ̆p kờñ ală lơgar dê mờ lơgar Việt Nam là lơgar tàm mpồl....Den tàng broă tam gơl adat là kờñ pal geh ngan nàng lơgar Việt Nam in lơh geh jơnau kờñ bơtàu tơnguh năng lượng nguyên tử tàm tơngai pa, is ồn là sơnđờm lơh wơl broă lơh đèng hạt ñân, ai ală hìu măi hạt ñâñ Ninh Thuận 1 mờ 2 mut lơh broă tàm tơngai bơh nam 2030-2035.

Kung tàm drim ngai do sơl, Quôk hội iăt Sră yal mờ Jơnau yal sền sơwì Rơndăp broă lơh Adat tam gơl, bơtơl bàr pe bơta bơh Adat Lơh glài lơh tìs mờ priă; Rơndăp broă lơh tam gơl, bơtơl bàr pe bơta bơh Adat Ai lơh jat sră nggal geh gơrềng adat boh lam; Jơnau rcang cih tam gơl bơtơl bàr pe bơta bơh Jơnau pal jat dơ̆ pơrjum Quôk hội dê. Ƀùi mho, Quôk hội cribơyai tàm mpồl, bè: Rơndăp broă lơh Adat tus bal mpồl sền gàr ring lơngai bơh Liên hợp quôk; Rơndăp broă lơh Adat Kes priă Dà lơgar (tam gơl)...