Phó Thủ tướng cih dờp bơta lơh ngan mờ bơta pơgồp bal nền nòn đah càr mờ Lùp sền Cíñ phủ mờ ală anih lơh broă dà lơgar tàm broă lơh jat jơnau sồr lơh bơh Tổng Ƀí thư mờ Broă rơndap lơh bơh Cíñ phủ dê. 

Ală broă gơlik geh neh geh bơsong niam, di broă rơndap lơh, lơh gơlik bơta ring bal uă. Phó Thủ tướng sồr càr Dăk Lăk pơn jat tai lam lơh kràñ cê, bơsong jơh ală broă kal ke gam wơl lài mờ ngai 30/6 nàng rơcang niam ai broă lơh mpồl cau lơh broă gơnoar atbồ 2 kâp bơh ngai 01/7 in. Mờ kung pal sơlơ tơnguh tai kờp sền, di tŭ git gŏ mờ bơsong ală broă gơlik geh pa, ờ lời gơlik geh tiah yal yă uă, pơgồp bơnah gàr kơ̆ bơta cíñ trị, mpồl bơtiàn tàm càr.