Sờh Bơto bơtê mờ Bơsram càr rơp sồr mờr 1 rbô 640 nă kwang bàng tus bal sền pơrlòng, jat sền, lùp sền, ai điểm pơrlòng… Kwang àng càr ai 136 nă kwang bàng, cau ling mờ 2 rơndeh ờs mờng drơng broă jàu jơnau lùp pơrlòng. Sờh Lơh sơnơm kung ai rlau 20 nă kwang bàng dong kờl sơnơm tơmba tàm ală anih pơrlòng.

Ồng Trần Sĩ Thành, Phó Kwang lam bồ Sờh Bơto bơtê mờ Bơsram càr pà git, broă lơh pơlam wơl jơnau bơsram mờ rơcang lài phan bơna geh lam lơh bơh bồ nam nàng kờñ gàr jơnau kờñ khà gơ kờn pơrlòng geh rlau 98%. Tŭ do, ală hìu bơsram neh lơh gơs broă kờp sền cơldŭ pơrlòng, ai kwang bàng sền pơrlòng, sền sơ wì camera jat sền mờ rơcang lài kơryan ồs sa. Ală gah lơh broă geh gơnoar gam pơgồp bal nàng dơ̆ pơrlòng geh lơh lơngăp lơngai, nền nòn, di mờ kơrnuat pơrlòng.